Մանկաբույժները ծնողներին խորհուրդ են տալիս ծովային հանգստի մեկնել, հատկապես, երբ երեխաները էկզեմայով կամ դերմատիտով են տառապում․ չէ՞ որ ծովի ջուրը 32 տեսակի հանքանյութեր և միկրոտարրեր է պարունակում։ Ահա թե ինչու այն նպաստում է երեխաների ոսկորների, հոդերի ամրապնդմանը, ինչպես նաև մաքրում մաշկի ծածկույթը։ Իսկ երբ երեխան շնչում է ծովային օդը և լողում ծովում, նրա արյունը մաքրվում է, իմունիտետն՝ ամրապնդվում։
Ծովի ջրում առկա յոդը դրական է ազդում ուղեղի աշխատանքի և վահանաձև գեղձի վրա։ Ջուրը նաև բարելավում է հիշողությունն ու ուշադրությունը։
Ծովում լողալը դրական է ազդում երեխայի նյարդային համակարգի վրա։