Yerkir.am-ը գրում է.
«Երկիր ծիրանի» խմբակցության անդամ Մարինա Խաչատրյանն այսօրվա ավագանու նիստում առաջարկեց օրակարգում ընդգրկել նաև Երևանի քաղաքապետի հրաժարականի և ավագանին ցրելու հարցը:
Հիշեցնենք, որ քաղաքապետ Տարոն Մարգարյանը չի մասնակցում նիստին առողջական խնդիրների պատճառով, և նիստը վարում է փոխքաղաքապետ Կամո Արեյանը:
Արեյանը նշեց, որ քաղաքապետի հրաժարականի ձևակերպման պահանջներն առկա են ՏԻՄ օրենքի 40-րդ հոդվածում, ըստ որի՝ քաղաքապետին անվստահություն հայտնելու վերաբերյալ գործընթացն է ներկայացված: «Այս հարցն օրենսդրորեն է կարգավորվում և չի տեղավորվում այսօրվա նիստի օրակարգի պահանջների մեջ»,- ասաց նա: