Ոստիկանությունը քաղաքացիներին հորդորում է ճամփորդելուց առաջ ստուգել փաստաթղթերը

10:10 , 26 հունիս, 2018
Ամառային արձակուրդներին ընդառաջ ՀՀ ոստիկանությունը հիշեցնում և հորդորում է քաղաքացիներին ճամփորդելուց մի քանի օր, նույնիսկ շաբաթներ առաջ

1. ստուգել փաստաթղթերի առկայությունը՝ իմանալով, որ բոլոր դեպքերում երկրից դուրս գալու համար ՀՀ քաղաքացուն անհրաժեշտ է վավերական անձնագիր, անկախ տարիքից (ծննդյան վկայականը երկրից դուրս գալու համար պատշաճ փաստաթուղթ չէ նույնիսկ նորածինների համար),
2. ստուգել հին նմուշի անձնագրում օտարերկրյա պետությունում վավերականության նշման առկայությունը,
3. ստուգել, արդյոք անձնագրում առկա են ազատ էջեր մուքի վիզաների և երկիր մուտք գործելու նշումներ կատարելու համար:

Ոստիկանությունից հիշեցնում են, որ նույնականացման քարտով անձը չի կարող դուրս գալ երկրից: