ԱՄՆ Ֆլորիդա նահանգի բնակչին ցմահ ազատազրկման են դատապարտել՝ կողոպուտի ժամանակ կատարած սպանության համար։ Այս մասին հաղորդում է AP-ն։
Գործակալության տվյալներով՝ Էրոն Քոուլմենը և նրա հանցակիցը հարձակվել են 20-ամյա Դենիել Յուջին Ռոուվի վրա 2015-ի հուլիսին։ Քոուլմենը պետք է տղամարդուն ատրճանակով վախեցներ, մինչ նրա հանցակիցը կխլեր վերջինի դրամապանակը։ Սակայն արդյունքում տուժածը երկու փամփուշտ գլխին ստացավ։
Դրամապանակում ընդամենը 4 դոլար էր։
Քոուլմենի հանցակիցը՝ Դևոնթե Հենֆորդը, կողոպուտի մեջ ունեցած իր դերի համար 20 տարվա ազատազրկման է դատապարտվել։