Մսով ու կանաչիով ախորժալի պելմենիները շատ դուր կգան ձեզ. շտապեք պատրաստել ու համտեսել
10:33 , 23 հունիս, 2018Բաղադրիչներ
- ալյուր - 600 գ
- կեֆիր - 200 մլ
- ձու - 1 հատ
- սոդա - 1 թ/գ
- միս տավարի (աղացած) - 500 գ
- սոխ - 1 գլուխ
- սխտոր - 4-5 պճեղ
- սամիթ - մի քանի ճյուղ
- աղ - ըստ ճաշակի
- պղպեղ սև - ըստ ճաշակի
- դափնու տերև (лавровый лист) - ըստ ճաշակի
Պատրաստման եղանակը
Պատրաստում ենք խմորը: Ձուն կոտրում ենք, ավելացնում մի պտղունց աղ, մի քիչ գոլացրած կեֆիր, ինչից հետո սոդան ու արագ խառնում: Հետո 15 րոպե թողնում ենք, որ հանգստանա:
Այդ ընթացքում լվանում, չորացնում ու մանր կտրատում ենք սամիթը, լցնում ենք կաթնաթթվային կպչուն զանգվածի մեջ և խառնում:
Աստիճանաբար, մաղելով լցնում ենք ալյուրը: Խմորը հունցում ենք ձեռքով, փաթաթում ենք սրբիչով և թողնում 20 րոպե:
Պատրաստում ենք խճողակը: Աղացած մսի վրա աղ ու պղպեղ ենք ցանում, ավելացնում մանրացրած գլուխ սոխն ու սխտորը: Մի քանի դափնու տերևը նախօրոք թրմում ենք մոտ 50 մլ եռման ջրում, թուրմը թեթևակի հովացնում ենք, լցնում խճողակի վրա ու խառնում:
Հանգստացած խմորը դնում ենք սեղանին, մի անգամ էլ հունցում և բարակ գրտնակում: Խմորը սկզբում չի ենթարկվում, սակայն հետո առանց դժվարության բացվում է:
Համաչափ շրջաններ ենք կտրում:
Թաց ձեռքերով խճողակից գնդիկներ ենք պատրաստում և դնում շրջանների կենտրոնում:
Խմորի եզրերն ամրացնում ենք, ծայրերը սեղմում իրար: Ստացված կիսաֆաբրիկատների մի մասը սառեցնում ենք:
Տնական պելմենին եփում ենք աղ արած ջրում դափնու տերևի հետ: Հենց որ պելմենիները սկսում են լողալ ջրի երեսին, եռացնում ենք ևս 5-7 րոպե և վերջ:
Մատուցում ենք հալեցրած կարագի, մանրացրած սխտորի ու աղացած սև պղպեղի հետ:
Այդ ընթացքում լվանում, չորացնում ու մանր կտրատում ենք սամիթը, լցնում ենք կաթնաթթվային կպչուն զանգվածի մեջ և խառնում:
Աստիճանաբար, մաղելով լցնում ենք ալյուրը: Խմորը հունցում ենք ձեռքով, փաթաթում ենք սրբիչով և թողնում 20 րոպե:
Պատրաստում ենք խճողակը: Աղացած մսի վրա աղ ու պղպեղ ենք ցանում, ավելացնում մանրացրած գլուխ սոխն ու սխտորը: Մի քանի դափնու տերևը նախօրոք թրմում ենք մոտ 50 մլ եռման ջրում, թուրմը թեթևակի հովացնում ենք, լցնում խճողակի վրա ու խառնում:
Հանգստացած խմորը դնում ենք սեղանին, մի անգամ էլ հունցում և բարակ գրտնակում: Խմորը սկզբում չի ենթարկվում, սակայն հետո առանց դժվարության բացվում է:
Համաչափ շրջաններ ենք կտրում:
Թաց ձեռքերով խճողակից գնդիկներ ենք պատրաստում և դնում շրջանների կենտրոնում:
Խմորի եզրերն ամրացնում ենք, ծայրերը սեղմում իրար: Ստացված կիսաֆաբրիկատների մի մասը սառեցնում ենք:
Տնական պելմենին եփում ենք աղ արած ջրում դափնու տերևի հետ: Հենց որ պելմենիները սկսում են լողալ ջրի երեսին, եռացնում ենք ևս 5-7 րոպե և վերջ:
Մատուցում ենք հալեցրած կարագի, մանրացրած սխտորի ու աղացած սև պղպեղի հետ:
Համեղ պելմենի պատրաստելու համար ցանկալի է խճողակը պատրաստել խոզի յուղոտ մսով ու տավարի մսով, քանի որ խոզի միսը խճողակը դարձնում է ավելի հյութեղ: