Ոստիկանությունը «Սեքյուրիթի Դրիմ» ընկերության շենքում հատուկ գործողություններ է իրականացնում
16:40 , 20 հունիս, 2018Armenpress.am-ը գրում է.
ՀՀ ոստիկանության կազմակերպված հանցավորության դեմ պայքարի գլխավոր վարչության ծառայողները հատուկ գործողություններ է իրականացնում «Սեքյուրիթի Դրիմ» ընկերության շենքում: Այս տեղեկությունը «Արմենպրես»-ի հետ զրույցում հաստատեց ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը: «Այլ մանրամասներ կտրվեն մի փոքր ուշ», -ասաց Ահարոնյանը:
«Սեքյուրիթի Դրիմ» ընկերությունը զբաղվում է Հայաստանում ճանապարհային երթևեկության անվտանգությունն ապահովող արագաչափերի և տեսախցիկների տեղադրմամբ:
Ավելի վաղ հայտարարվել էր, որ գործողություններն իրականացվում են «Էլիպս» ընկերությունում, սակայն այժմ ոստիկանությունը հայտարարում է, որ այդ ընկերությունում այսօր որևէ գործողություն չի իրականացվել:
Ի դեպ, «Սփյուռ» տեղեկատվական համակարգը հուշում է, որ երկու ընկերություններն էլ՝ «Սեքյուրիթի Դրիմ»-ը և «Էլիպս»-ը գրասենյակներ ունեն միևնույն՝ Նիկողայոս Տիգրանյան փող., 27 շենք հասցեում: