Նարեկ Բաբայանը նշանակվել է պետգույքի կառավարման կոմիտեի նախագահ

ՀՀ վարչապետ Նիկոլ Փաշինյանի ստորագրած հրամանագրով Նարեկ Բաբայանը նշանակվել է տնտեսական զարգացման և ներդրումների նախարարության պետական գույքի կառավարման կոմիտեի նախագահ:

«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝
Նարեկ Բաբայանին նշանակել տնտեսական զարգացման և ներդրումների նախարարության պետական գույքի կառավարման կոմիտեի նախագահ»,-ասված է Նիկոլ Փաշինյանի ստորագրած որոշման տեքստում։

Նարեկ Բաբայանը ֆեյսբուքյան իր էջում նշանակման վերաբերյալ գրառում է կատարել, որը ներկայացնում ենք ստորև.

«Սիրելի ընկերներ,ՀՀ Վարչապետի որոշմամբ նշանակվել եմ Պետական գույքի կառավարման կոմիտեի նախագահ:

Առավելագույն ներդրումս կբերեմ այդ պատասխանատու պաշտոնում ծառայելիս: Ակնկալում եմ յուրաքանչյուրի աջակցությունը, ովքեր կունենան ոլորտին կամ դրան առնչվող կոռուպցիոն ռիսկերին ու սխեմաներին վերաբերող տեղեկատվություն:

2017թ.-ի խորհրդարանական ընտրություններին ԵԼՔ դաշինքի կողմից առաջադրվել է որպես ԱԺ պատգամավորի թեկնածու թիվ 2 ընտրատարածքում (Արաբկիր, Աջափնյակ, Դավթաշեն)։

Ծնվել է 1984թ. հունիսի 17-ին, Երևանում:
2001թ.-ին ավարտել է թիվ. 185 միջնակարգ և Չայկովսկու անվան երաժշտական դպրոցները:
2001-2005թթ.-ին սովորել է ԵՊՀ ֆիզիկայի ֆակուլտետում:
2005-2007թթ.-ին ծառայել է ՀՀ Զինված Ուժերում:
2007-2009թթ.-ին աշխատել է որպես ջրամատակարարման, ջեռուցման և հովացման համակարգերի տեղակայման մասնագետ:
2009-2013թթ.-ին աշխատել է ՀՀ էկոնոմիկայի նախարարությունում:
2013թ.-ից մինչ օրս աշխատում է Մտավոր սեփականության գործակալությունում՝ որպես գյուտերի և օգտակար մոդելների փորձագետ:
2008թ. մարտի 1-ից հետո եղել է «ՀԻՄԱ» երիտասարդական նախաձեռնության հիմնադիրներից:
2013թ.-ից «Քաղաքացիական Պայմանագիր» հանրային-քաղաքական միավորման անդամ է:
2015-2016թթ.-ին եղել է Քաղաքացիական պայմանագիր կուսակցության Վարչության անդամ։