14:40 , 3 հունիս, 2018
Պատրաստման եղանակ
- Խորը կաթսայի մեջ ենք լցնում շոկոլադը, շաքարավազը, ջուրը և կոնյակը: Տեղադրում ենք միջին կրակի վրա, գդալով ինտենսիվ խառնում ենք մինչև միատարր զանգվածի առաջացումը: Այստեղ կարևոր է շատ, որ շոկոլադը շատ չտաքանա, այլապես կառաջացնի գնդիկներ:
- Վերցնում ենք 2 միանման տարաներ, մեկի մեջ լցնում ենք սառույցով ջուր, իսկ մյուսի մեջ՝ միատարր դարձած շոկոլադը: Շոկոլադով տարան դնում ենք սառույցով տարայի վրա և սկսում հարել շոկոլադը:
- Սկզբնական 4-5րոպեում զգալի փոփոխություն չեք նկատի, սակայն հետո զանգվածը կսկսի պնդանալ: Այստեղ կարևոր է, որ չափից ավել պինդ մուսս չստանաք, այլապես շատ դժվար կլինի այն լցնել բաժակների մեջ:
- Արդեն պատրաստի մուսսը լցնում ենք բաժակների մեջ և մատուցում հարված սերուցքի և քերած շոկոլադի հետ:
Եթե որոշել եք մատուցել շոկոլադե մուսս, հաշվի առեք, որ զուգահեռ պետք չէ պատրաստել տորթ, կամ այլ նմանատիպ դեսերտ: Մուսսն ադեն իսկ շատ հագեցնող է:
Փորձեք զուգակցել այս շոկոլադե հրաշքը, ասենք, մրգային աղցանի հետ: