10:59 , 2 հունիս, 2018
Բաղադրիչներ
- շոկոլադ սև - 120 գ
- կաթ - 500 մլ
- ժելատին - 10 գ
- շաքարավազ - ըստ ճաշակի
Պատրաստման եղանակը
Ժելատինը թրջել 4 ճ/գ կաթով և թողնել ուռչի 10-15 րոպե:
Կաթի մնացած մասը լցնել կաթսայի մեջ, տեղափոխել կրակի վրա և հասցնել եռման վիճակի: Հանել կրակի վրայից:
Թողնել կաթը՝ մի փոքրիկ հովանա, ապա լցնել կտրատված շոկոլադը և խառնել մինչև զանգվածի միատարր դառնալը: Ավելացնել ուռչած ժելատինը և կրկին խառնել մինչև վերջինիս ամբողջությամբ լուծվելը:
Ստացված շոկոլադե զանգվածը լցնել սիլիկոնե ձևամանների մեջ և տեղափոխել սառնարան՝ 2-3 ժամով սառչելու:
Պատրաստի աղանդերի վրա լցնել քերած նուշ, ապա մատուցել:
Հուսով ենք՝ Ձեզ դուր եկավ այս սքանչելի շոկոլադե ժելեն, որի պատրաստումը շատ արագ է և հեշտ, իսկ համը՝ պարզապես անկրկնելի:
Համոզված ենք, որ մեկ անգամ փորձելուց հետո այն կդառնա Ձեր սիրելի աղանդերը: