Համեղ ու յուրօրինակ «Ռահաթ» տորթի բաղադրատոմս, որն իր համային առանձնահատկություններով կգոհացնի բոլորին
10:11 , 31 մայիս, 2018
Բաղադրիչներ
- ձվի սպիտակուց - 6 հատ
- շաքարավազ - 385 գ
- գետնանուշ - 300 գ
- օսլա (крахмал) - 3 ճ/գ
- ջուր - 50 գ
- խտացրած կաթ - 2 ճ/գ
- կարագ - 150 գ
- վանիլին
- ջեմ խնձորի - 2-3 ճ/գ
- կակաոյի փոշի - 1 թ/գ
Պատրաստման եղանակը
Գետնանուշը բովում ենք տապակի մեջ կամ ջեռոցում, ապա հեռացնում ենք կեղևն ու բլենդերով մանրացնում:
Տորթը կազմված է 3 սպիտակուցային շերտից: Առաջին շերտի համար ձվի 2 սպիտակուցը հարում ենք՝ կամաց-կամաց ավելացնելով 100 գ շաքարավազը:
4 ճ/գ գետնանուշին ավելացնում ենք 1 ճ/գ օսլա, ապա լցնում ենք սպիտակուցային զանգվածն ու լավ խառնում ենք:
Յուղաթղթի վրա զգուշորեն լցնում ենք բեզեն ու եփում ենք 120-130 րոպե 160 աստիճան ջերմությամբ: Պետք է ստացվի ոչ շատ չոր շերտ: Նույն ձևով պատրաստում ենք մյուս երկու շերտերը:
Այժմ պատրաստում ենք սերուցքային կրեմը, որի համար 50 գ ջուրը եռացնում ենք, ավելացնում ենք 85 գ շաքարավազը: Եռալուց հետո ավելացնում ենք խտացրած կաթն ու 10 րոպե եփում թույլ կրակի վրա: Ապա հանում ենք կրակի վրայից ու թողնում ենք, որ սառչի:
Հարում ենք փափկած կարագն ու գդալով կամաց-կամաց ավելացնում ենք սառած անուշահյութը և վանիլը:
Կրեմի 2/3 մասը դնում ենք մի կողմ, իսկ մնացած մասին ավելացնում ենք կակաո:
Տորթի ստորին շերտը պատում ենք սերուցքային կրեմով, երկրորդ շերտը՝ խնձորի պտղահյութով:
Տորթի վերին շերտը պատում ենք շոկոլադե կրեմով, կողքի հատվածները զարդարում ենք գետնանուշով:
Ահա և պատրաստ է մեր տորթը: