Տորթ «Պելե»-ի նոր ու շատ համեղ բաղադրատոմս. անպայման փորձեք ու կհամոզվեք

Պատրաստում ենք խմորը, որի համար ալյուրն անցկացնում ենք մաղով, ապա ավելացնում ենք կակաոյի փոշին ու սոդան:

Կարագը հալեցնում ենք, ապա թողնում ենք, որ սառչի:

Առանձին տարայի մեջ լցնում ենք ձուն, ապա ավելացնում ենք շաքարավազը:

Զգուշորեն հարում ենք: Այդ ընթացքում ձվի զանգվածը պետք է մոտ 2 անգամ շատանա:

Ձվի զանգվածին ավելացնում ենք հալեցրած կարագը:

Ավելացնում ենք կեֆիրն ու լավ հարում ենք:

Խմորի հեղուկ զանգվածին կամաց-կամաց ավելացնում ենք չոր բաղադրիչների զանգվածն ու խառնում ենք:

Ձևամանը պատում ենք յուղաթղթով, ապա լցնում ենք խմորն ու 30 րոպե թխում 180 աստիճան տաքացրած ջեռոցում:

Պատրաստ լինելուց հետո յուղաթուղթը զգուշորեն հեռացնում ենք:

Արդեն սառած բիսկվիթային խմորաշերտը բաժանում ենք երկու կամ չորս մասի:

Շերտերից յուրաքանչյուրը պատում ենք օշարակով:

Պատրաստում ենք կրեմը, որի համար փափկած կարագն ու խտացրած կաթը հարում ենք։

Բիսկվիթային շերտերից յուրաքանչյուրը և տորթի կողային հատվածները պատում ենք կրեմով։

Տորթը զարդարում ենք հալեցրած շոկոլադով ու խմորի փշրանքներով։