Յուրօրինակ ու համեղ ուտեստ, որը հայտնի է բուղաչա անվամբ. այն, չափազանց համեղ լինելուց բացի, նաև շատ հագեցնող է
10:26 , 28 մայիս, 2018Բաղադրիչներ
- Խմորի համար՝
- կարագ - 100 գ
- կեֆիր - 1 բաժակ
- ձվի սպիտակուց - 1 հատ
- ալյուր - 2,5-3 բաժակ
- փխրեցուցիչ - 1 թ/գ
- աղ - մի պտղունց
- Լցոնի համար՝
- պանիր ֆետա - 250 գ
- մաղադանոս - 4 ճյուղ
- Վրան քսելու համար՝
- ձվի դեղնուց - 1 հատ
Պատրաստման եղանակը
Նախատեսված է 8 բաժնի համար:
Կարագը քերիչով քերում ենք, ավելացնում ալյուրը, ձեռքերով տրորում, ապա աղ ավելացնում:
Կեֆիրի բաժակի մեջ լցնում ենք փխրեցուցիչը, որը փրփրելուն պես ավելացնում ենք ալյուրի ու կարագի զանգվածի մեջ: Այնուհետև զանգվածին ենք ավելացնում ձվի սպիտակուցը և փափուկ խմոր հունցում: Խմորի գունդը դնում ենք սեղանին, ծածկում ու թողնում 20 րոպե:
Լցոնի համար ֆետա պանիրը մանրացնում ենք, մաղադանոսը կտրատում և խառնում իրար:
Խմորից ընկույզի չափ գնդիկներ ենք ստանում, մատներով բացում ու տափակեցնում ենք, այնուհետև խմորի մեջտեղում դնում ենք լցոնն ու եզրերն ամրացնում: Մեջտեղի մասը բաց ենք թողնում, կարկանդակին տալիս ենք նավակի տեսք ու վրայից ձվի դեղնուց քսում:
Ջեռոցի տապակի մեջ յուղաթուղթ ենք փռում, կարկանդակները շարում վրան և 30 րոպե թխում 180 աստիճան տաքացված ջեռոցի մեջ, մինչև կարկանդակները ստանան գեղեցիկ վարդագույն երանգ:
Ահա և վերջ:
Կարագը քերիչով քերում ենք, ավելացնում ալյուրը, ձեռքերով տրորում, ապա աղ ավելացնում:
Կեֆիրի բաժակի մեջ լցնում ենք փխրեցուցիչը, որը փրփրելուն պես ավելացնում ենք ալյուրի ու կարագի զանգվածի մեջ: Այնուհետև զանգվածին ենք ավելացնում ձվի սպիտակուցը և փափուկ խմոր հունցում: Խմորի գունդը դնում ենք սեղանին, ծածկում ու թողնում 20 րոպե:
Լցոնի համար ֆետա պանիրը մանրացնում ենք, մաղադանոսը կտրատում և խառնում իրար:
Խմորից ընկույզի չափ գնդիկներ ենք ստանում, մատներով բացում ու տափակեցնում ենք, այնուհետև խմորի մեջտեղում դնում ենք լցոնն ու եզրերն ամրացնում: Մեջտեղի մասը բաց ենք թողնում, կարկանդակին տալիս ենք նավակի տեսք ու վրայից ձվի դեղնուց քսում:
Ջեռոցի տապակի մեջ յուղաթուղթ ենք փռում, կարկանդակները շարում վրան և 30 րոպե թխում 180 աստիճան տաքացված ջեռոցի մեջ, մինչև կարկանդակները ստանան գեղեցիկ վարդագույն երանգ:
Ահա և վերջ:
Այսպիսի փոքրիկ հունական բուգացա կարելի է ուտել թե՛ ընդմիջմանը և թե՛ էքսկուրսիա գնալիս։