Պեսկովը մեկնաբանել է Ավստրալիայի և Նիդերլանդների մեղադրանքները
16:15 , 25 մայիս, 2018Yerkir.am-ը գրում է.
ՌԴ նախագահի մամուլի քարտուղար Դմիտրի Պեսկովը պատմել է, որ ՌԴ նախագահ Վլադիմիր Պուտինը դեռ չի ուսումնասիրել մալայզիական «Բոինգ-777»-ի կործանման հետաքննությամբ զբաղվող միջազգային խմբի զեկույցը. հայտնում է РИА Новости-ն:
Նա նշել է, որ Նիդերլանդներում իրականացված հետաքննությանը ռուսական կողմը չի մասնակցել, թեև ուկրաինական կողմը ներգրավված է եղել: Ըստ Պեսկովի` ռուսական կողմը չգիտի` որքանով կարել է վստահել այդ հետաքննության արդյունքներին, եթե չի եղել դրանց մասնակիցը:
Ավելի վաղ հայտնել ենք, որ Ավստրալիան և Նիդերլանդները Ռուսաստանին են մեղադրել Ուկրաինայում 2014-ի հուլիսի 17-ին «Բոինգ-777»-ի կործանման մեջ: