Շատ համեղ շոկոլադային բիսկվիթ, որը կարող ենք պատել ցանկացած կրեմով
09:23 , 24 մայիս, 2018Բաղադրիչներ
- ձու - 4 հատ
- շաքարավազ - 160 գ
- ալյուր - 150 գ
- կակաո - 40 գ
- օսլա (крахмал) - 34 գ
- փխրեցուցիչ - 1 թ/գ
- կարագ - 50 գ
- ջուր - 50 գ
Պատրաստման եղանակ
Նշված բաղադրիչները նախատեսված են 20-21 սմ տրամագծով և 5 սմ բարձրությամբ ձևամանի հաշվարկով։
Ջեռոցը մինչև 170 աստիճան տաքացնում ենք։ Բոլոր չոր բաղադրիչները, շաքարավազից զատ, խառնում ենք իրար և մաղում։ Փոքր կաթսայի մեջ ենք լցնում ջուրն ու կարագը։
Սպիտակուցները դեղնուցներից առանձնացնում ենք։ Սպիտակուցները հարում ենք, մինչև փափուկ փրփուր ստանանք, այնուհետև ավելացնում ենք շաքարավազի կեսը, հարում ենք մինչև խիտ, փայլուն և չափի մեջ պինդ փրփուր ստանանք։
Դեղնուցները մնացած շաքարավազի հետ հարում ենք մինչև սպիտակ և փքուն զանգված ստանանք։ Սպիտակուցներն ու դեղնուցները զգուշորեն խառնում ենք:
Այնուհետև ավելացնում ենք չոր բաղադրիչները, խառնում ենք այնքան, մինչև գնդիկներից ազատվենք։ Այդ ընթացքում կարագն ու ջուրը դնում ենք կրակին և հասցնում եռման աստիճանի։
Կարագով զանգվածը լցնում ենք հունցած խմորի մեջ և արագորեն խառնում ենք, մինչև համասեռ զանգված ստանանք։ Խմորը լցնում ենք 20 սմ տրամագծով յուղաթղթապատ ձևամանի մեջ, տեղափոխում ենք նախապես 170 աստիճան տաքացրած ջեռոցի մեջ և թխում 15-20 րոպե (փայտիկով փորձում ենք, եթե այն չոր է դուրս գալիս խմորի միջից, նշանակում է՝ արդեն պատրաստ է)։ Թխվելուց հետո թողնում ենք՝ սառչի, յուղաթուղթը հանում ենք և 8-10 ժամով տեղափոխում սառնարան։
Ինչպես մնացած բիսկվիթների դեպքում, այս դեպքում ևս արժե 1 օր առաջ բիսկվիթը պատրաստել, որպեսզի կտրելուց չփշրվի։
Ահա և վերջ:
Պատրաստ է:
Ջեռոցը մինչև 170 աստիճան տաքացնում ենք։ Բոլոր չոր բաղադրիչները, շաքարավազից զատ, խառնում ենք իրար և մաղում։ Փոքր կաթսայի մեջ ենք լցնում ջուրն ու կարագը։
Սպիտակուցները դեղնուցներից առանձնացնում ենք։ Սպիտակուցները հարում ենք, մինչև փափուկ փրփուր ստանանք, այնուհետև ավելացնում ենք շաքարավազի կեսը, հարում ենք մինչև խիտ, փայլուն և չափի մեջ պինդ փրփուր ստանանք։
Դեղնուցները մնացած շաքարավազի հետ հարում ենք մինչև սպիտակ և փքուն զանգված ստանանք։ Սպիտակուցներն ու դեղնուցները զգուշորեն խառնում ենք:
Այնուհետև ավելացնում ենք չոր բաղադրիչները, խառնում ենք այնքան, մինչև գնդիկներից ազատվենք։ Այդ ընթացքում կարագն ու ջուրը դնում ենք կրակին և հասցնում եռման աստիճանի։
Կարագով զանգվածը լցնում ենք հունցած խմորի մեջ և արագորեն խառնում ենք, մինչև համասեռ զանգված ստանանք։ Խմորը լցնում ենք 20 սմ տրամագծով յուղաթղթապատ ձևամանի մեջ, տեղափոխում ենք նախապես 170 աստիճան տաքացրած ջեռոցի մեջ և թխում 15-20 րոպե (փայտիկով փորձում ենք, եթե այն չոր է դուրս գալիս խմորի միջից, նշանակում է՝ արդեն պատրաստ է)։ Թխվելուց հետո թողնում ենք՝ սառչի, յուղաթուղթը հանում ենք և 8-10 ժամով տեղափոխում սառնարան։
Ինչպես մնացած բիսկվիթների դեպքում, այս դեպքում ևս արժե 1 օր առաջ բիսկվիթը պատրաստել, որպեսզի կտրելուց չփշրվի։
Ահա և վերջ:
Պատրաստ է:
Ի դեպ, որպեսզի բիսկվիթը հավասար շերտերի բաժանենք, կարող ենք սովորական թել վերցնել. սկզբում դանակով բիսկվիթի պարագծով մեկ կտրվածք ենք անում, թելն այդ կտրվածքի մասով անցկացնում ենք և քաշում։ Արդյունքում հավասար և կոկիկ շերտեր ենք ստանում։ Շատ համեղ շոկոլադային բիսկվիթ, որը կարող ենք պատել ցանկացած կրեմով։