Բուրկինա Ֆասոյի ԱԳ նախարարը Թուրքիայում մամլո ասուլիսի ժամանակ կորցրել է գիտակցությունը (Video)
17:45 , 10 մայիս, 2013Բուրկինա Ֆասոյի արտաքին գործերի և տարածաշրջանային համագործակցության նախարար Ջիբրիլ Բասոլեն Անկարայում Թուրքիայի արտգործնախարար Ահմեդ Դավութօղլուի հետ համատեղ մամլո ասուլիսի ժամանակ կորցրել է գիտակցությունը: Ինչպես հաղորդում է 1news.az-ը՝ վկայակոչելով թուրքական ԶԼՄ-ները, աֆրիկացի նախարարը հոսպիտալացվել է:
Պարզվել է, որ այցի նախօրեին Բասոլեն հիվանդ է եղել գրիպով և շատ գերհոգնած է եղել:
Ջիբրիլ Բասոլեն Թուրքիա է ժամանել երկկողմ հարաբերությունների զարգացման հեռանկարները քննարկելու նպատակով: