Քաղաքական դաշտը մաքրելու ժամանակը

Մեր առանցքային կուսակցությունները մարտակոչ հնչեցրին նախագահի և ապա մայրաքաղաքի ղեկավարի պաշտոնները գրավելու համար:

Ու մարդկանց տարան հիասթափության: 

Ու հիմա հուսալքված մարդկանց քարավաններ են ելնում երկրից դուրս:

Դեռ տարիներ առաջ առանցքային կուսակցությունների գրասենյակ անձամբ տարել-հանձնել եմ քաղաքական ուսումնասիրություն, որում հանգամանալից հիմնավորված էր ներկա փուլում ժողովրդավարական ընտրություններ անցկացնելու, ինչպես նաև ետընտրական շարժումները հաղթական ավարտի հասցնելու անհնարինությունը:

Բացի դա, հրապարակային իմ ելույթներում ևս խոսել եմ թե՛ այդ անհնարինության, թե՛ թերմտածված շարժումների բերած վնասների մասին:

Այնուամենայնիվ, մեր կուսակցությունները, շատ լավ իմանալով, որ չեն հաջողելու, և իրենց մարտակոչին հետևողները հոգեպես ջարդվելու են, մարդկանց տարան պայքարի:

Եզրակացությունները թողնում եմ ձեզ: