60 մարդ է տեղափոխվել հիվանդանոցներ. բոլորը հավի մսով բրդուճ են կերել
23:50 , 17 մայիս, 2018Yerkir.am-ը գրում է.
Արմավիրի ԲԿ-ից yerkir.am-ին տեղեկացրին, որ այս պահին իրենց և Մեծամորի հիվանդանոցում բուժում է ստանում 60 տուժած, ովքեր այնտեղ են տեղափոխվել թունավորման ախտորոշմամբ:
«Բոլորը կերել են հավով բրդուճներ, որը սննդամթերքի մատակարարմամբ զբաղվող կազմակերպություններից մեկի կողմից է եղել պատրաստված»,- ասացին հիվանդանոցից: Նշենք նաև, որ տուժածներն աշխատում են «Տիեռասե դե Արմենիա» ՓԲԸ-ում, որը հայտնի է «Էռնեկյանի հողեր» անունով:
18:34-ին Արմավիրի ԲԿ-ից «911» ծառայությանը տեղեկություն է ստացվել, որ սննդային թունավորման ախտանիշներով իրենց է դիմել Արմավիրի մարզի Արևադաշտ գյուղի մոտակայքում գտնվող խաղողագործությամբ զբաղվող «Հայաստանի հողեր» փակ բաժնետիրական ընկերության 90 աշխատակից: