Արշակունյաց պողոտան դեռևս փակ է. ակցիայի մասնակիցները քննարկում են Փաշինյանի կոչը
16:30 , 17 մայիս, 2018Yerkir.am-ը գրում է.
Արդեն երկրորդ օրը Արշակունյաց պողոտան փակած` «Սասնա ծռեր»-ի կողմնակիցիները քննարկում են փողոցը բացելու տարբերակը:
«Սասնա ծռեր» խմբի անդամ, երկու ոստիկանի սպանության մեջ մեղադրվող Սմբատ Բարսեղյանի եղբայրը՝ Վարազդատ Բարսեղյանը, առաջարկեց բացել փողոցը և ընդունել Նիկոլ Փաշինյանի` համագործակցության ձևաչափը:
Բողոքի ակցիայի մասնակիցներից մի քանիսը նշում են, որ փողոցը փակելը կվնասի Նիկոլ Փաշինյանին, իսկ իրենց պայքարը ոչ թե նրա, այլ արդարադատության համակարգի՝ կոնկրետ դատարանի դեմ է: Նրանց մի մասն էլ առաջարկում է փողոցը բացել, փոխարենը փակ պահել միայն Շենգավիթի դատարանի մուտք տանող ճանապարհը: Մինչդեռ մյուս մասն էլ պահանջում է փակ պահել պողոտան այնքան ժամանակ, քանի դեռ իրենց չեն մոտեցել վարչապետի երկու ներկայացուցիչ: