Լրատվամիջոցները պարզել են, թե ինչպես է առաջացել Քիմ Քարդաշյանի փարթամ հետույքը

Քիմ Քարդաշյանը հաջողակ գործարար կին է, լավ մայր և համաշխարհային աստղ, ով հայտնի է դարձել առաջին հերթին իր փարթամ հետույքի շնորհիվ։ Օրերս ԶԼՄ-ները պարզել են, թե ինչպես է Քիմի մոտ ձևավորվել կանացի և ձիգ կազմվածքը։

Օրերս Քիմի անձնական մարզիչ Մելիսա Ալկանտարան հարցազրույց է տվել Women’s Health պարբերականին, որտեղ պատմել է, թե որքան է Քիմը աշխատել, որպեսզի ազատվի ցելյուլիտից և ձգի հետույքը։ Ալկանտարայի խոսքերով՝ Քիմը մեկ ու կես ժամ ակտիվ աշխատում է ոտքերի և հետույքի վրա, ինչից հետո անցնում է մեջքի վարժություններին։ «Չնայած, որ Քիմը խելահեղ գրաֆիկ ունի, նա չափազանց պատասխանատու է և երբեք չի ուշանում մարզումներից։ Նա ամենալավ հաճախորդն է, որ կարող է մարզիչը երբևէ ունենալ»,- ասում է Մելիսա Ալկանտարան։

Մարզիչը նաև ընդգծել է, որ Քիմը գրեթե չի աշխատում ճնշամկանների վրա, այլ պարզապես ճիշտ է սնվում։