Մեր ժամանակների ամենագեղեցիկ ու յուրօրինակ սիրո պատմությունը
17:26 , 4 մայիս, 2013
Միշելի և Մարտինի սիրո պատմությունը քննարկվում է մինչ օրս: Աղջիկը չվախեցավ ամուսնանալ այլափոխված դեմքով երիտասարդի հետ:
Երիտասարդ զույգի նուրբ զգացմունքները բռնկվել էին դեռ համալսարանում՝ ուսման տարիներին: Հմայիչ, շքեղ Միշել Քլիֆֆորդը և առնական, քաջարի Մարտին Քոմփթոնը չէին բաժանվում ոչ մի րոպե և ամեն վայրկյան երազում էին հարսանիքի, սեփական տան և, իհարկե, երեխաների մասին: Սակայն, ցավոք, նրանց այլ բան էր սպասվում…
2006թ.-ին Մարտինին ուղարկում են զինծառայության՝ թեժ գծում, որտեղից էլ նա վերադառնում է լիովին «փոխված»:
Աֆղանական Հելմանդ նահանգում Մարտինի վրա են հարձակվում թալիբները: Ռմբակոծության հետևանքով մահանում են նրա երեք ընկերները: Ինքը՝ Քեմփթոնը, հազիվ է ողջ մնում: Հրդեհի ալիքը ծածկում է զինվորի ողջ մարմինը: Նրա զրահն ամբողջությամբ հալչում է՝ մաշկի հետ միասին: Երիտասարդն արթնանում է 3 ամիս կոմայի մեջ գտնվելուց հետո: Առաջինը, ում նա տեսնում է իր մահճակալի կողքին, Միշելն էր…
Աղջկա զգացմունքներն ավելի ուժգին էին, քան որևէ այլ բան: Նրան չէր վախեցնում իր սիրելիի այլանդակված դեմքը. Մարտինը ստացել էր մարմնի 70% տոկոս այրվածք և գրեթե կորցրել քիթը, ականջները և կոպերը:
- Ես քեզ չեմ սիրել միայն արտաքինի համար,- երիտասարդին խաղաղեցնում է Միշելը:- Այդ իսկ պատճառով ինձ համար դու մնացել ես նույնը. ես սիրում եմ քեզ:
Մարտինի առողջության համար հուսահատ պայքարից 2 տարի անց երիտասարդ զույգն, այնուամենայնիվ, տոնում է իր հարսանիքը: Ինչպես ենթադրվում էր, Միշելն այդ օրն ամենագեղեցիկ հարսնացուն էր, իսկ Մարտինը՝ ամենասիրահարված փեսացուն:
