Իսրայելի ՊՆ-ն ներկայացրել է հակասեմական բնույթի հրապարակումների հայտնաբերման համակարգը
17:13 , 26 հունվար, 2018Օրերս ներկայացվեց Իսրայելի պաշտպանության նախարարության Սպառազինությունների տեխնոլոգիական միջոցների հետազոտման և զարգացման վարչության մասնագետների կողմից մշակված «Սոցիալական ցանցերում հակասեմականության դրսևորումների հայտնաբերման համակարգ»-ը (Anti-semitism Cyber Monitoring System)։ Համակարգը հնարավորություն է տալիս հետևել սոցիալական ցանցերի «անցուդարձին», հայտնաբերել հակասեմական բնույթի հրապարակումների քանակը, տարածող խմբերին՝ ըստ տեղաբաշխման երկրի կամ երկրների։
Ներկայումս համակարգն աշխատում է քառալեզու տարբերակով (անգլերեն, արաբերեն, ֆրանսերեն, գերմաներեն), հետագայում կհամալրվի այլ լեզուներով ևս։
Նախորդ ամսվա ընթացքում համակարգը հայտնաբերել է շուրջ 409 հազ. հակասեմական բնույթ կրող ինտերնետային հաղորդագրություն, որոնք գրվել են 30 հազ. օգտատերերի կողմից։
Հակասեմական բնույթի ինտերնետային հաղորդագրություններ շատ են արձանագրվել հատկապես Դնեպրում, Բուխարեստում, Լոնդոնում, Փարիզում։