Հայտնի է «Ամենախելացին» հեռուստանախագծի 5-րդ եթերաշրջանի հաղթողի անունը

Աշխատասիրություն, գիտելիք, մտքի ճկունություն և իհարկե հաջողություն: Սա «Ամենախելացին» հեռուստանախագծում հաղթելու գլխավոր բանաձևն է: Հայաստանում լայն մասսայականություն վայելող թիվ մեկ ինտելեկտուալ հեռուստախաղի կազմակերպիչներն ասումեն՝ նախորդ եթերաշրջաններից այս մեկը՝ 5-րդն  իրոք առանձնացավ ոչ միայն մասնակիցների բարձր ինտելեկտուալ ցուցանիշներով ու խաղի որակի միանգամայն նոր նշաձողով, այլ նաև տարիքային նոր խմբով, նոր անվանակարգերով ու թանկարժեք մրցանակային ֆոնդով: Ի տարբերություն նախորդ չորս եթերաշրջանների, որոնց մասնակցում էին դպրոցականները, այս անգամ «Ամենախելացիի» տիտղոսի համար պայքարեցին  բակալավրիատի առաջին կուրսից մինչև մագիստրատուրայի երկրորդ կուրսում սովորող Հայաստանի ու Արցախի ուսանողները:

Եվ ահա, մոտ հինգ ամիս տևած լարված պայքարից հետո հաղթողի անունը հայտնի է. Հայկազ Մելքումյանը Հայաստանի տնտեսագիտական համալսարանի մագիստրատուրայի առաջին կուրսի ուսանող է: Ասում է՝ հետևել է խաղի բոլոր եթերաշրջաններին, շատ էր ուզում մասնակցել, բայց խաղի համար նախատեսված տարիքային խմբի մեջ չէր տեղավորվում: Երբ իմացել է, որ «Ամենախելացիի» 5-րդ եթերաշրջանն անցկացվելու է ուսանողների շրջանում, միանգամից դիմում է գրել, անցել նախընտրական փուլերն ու սկսել պատրաստվել երազանքի խաղին. «Հայկական հեռուստաեթերում ինտելեկտուալ խաղերի պակասը մեծ է: Սա հրաշալի տարբերակ  է  հանրությանը, երիտասրադությանը հաղորդակից դարձնելու բազմապրոֆիլ գիտելիքների հետ»,- ասում է Հայկազն ու նշում, որ երախտապարտ է խաղի կազմակերպիչներին՝ սեփական գիտելիքները որակական նոր աստիճանի հասցնելու ու խորացնելու հրաշալի առիթ ստեղծելու համար:

Այն, որ «Ամենախելացինի» 5-րդ եթերաշրջանն իսկապես յուրահատուկ էր, փաստում են նաև խաղի կազմակերպիչները.««Ամենախելացին» նախագիծն ընդհանուր առմամբ, և 5-րդ եթերաշրջանն իմասնավորի, ապացուցեց, որն ման ինտելեկտուալ ֆորմատը հայկական հեռուստաեթեր բերելն իսկապես արդարացված էր: Յուրաքանչյուր եթերաշրջանա պացուցում է, որ այս նախագիծն ինտելեկտի ու գիտելիքի իսկական տոն է»,- ասում է նախագծի տնօրեն Նվեր Ղազարյանը:

Խաղի խմբագրականկազմը ևս ոգևորված է մասնակիցների գրանցած արդյունքներով.Ասում են՝ խաղը այսօրվա հայ երիտասարդի վերաբերյալ բազմաթիվ կարծրատիպեր կոտրեց. «Կրկին ապացուցվեց, որ ժամանակակից հայ երիտասարդը կարդում է, հետաքրքրված է ամեն ինչով, և ամենակարևորը, կարողանում է իրեն ներկայացնել»,-նշում է խաղի խմբագիր Հարություն Արզումանյանն ու ընդգծում, որ արդեն իսկ երկրորդ փուլից ակնհայտ էր լավագույն եռյակը՝ Հայկազ Մելքումյան, Տիգրան Մուղնեցյան, Վահե Հարությունյան. տղաների գրանցած գերազանց արդյունքները ոչ միայն այս եթերաշրջանի, այլ, առհասարակ, նախագծի պատմության մեջ աննախադեպ էին:

Ինչ վերաբերում է մրցանակային անվանակարգերին, ապա այս եթերաշրջանում նրանց քանակը կրկնապատկվել է: Արարատյան Հայրապետական թեմի սահմանած «Կրոն» և Հայաստանում Կոնֆուցիոսի ինստիտուտի սահմանած «Չինաստան» մրցանակային անվանակարգերին միացել էին ՀՀ Կենտրոնական բանկի «Ֆինանսներ» և «Ռոսատոմ սերվիս» ընկերության «Ֆիզիկա» նոր մրցանակային կատեգորիաները:

«Շատ հաճելի է,որ Հայաստանում այսպիսի կիրթ ու խելացի երիտասարդ սերունդ կա: Մենք ապշած ենք նրանց պատասխաններով՝ հատկապես ֆիզիկայի բնագավառում: Գտնում եմ, որ նման երիտասարդության հետ Հայաստանիապագան միայն հրաշալի կարող է լինել՝  այդ թվում նաև մեր համատեղ նախաձեռնությունների համար»,-մեծ ոգևորությամբ ասում է խաղի եզրափակչից տպավորված «Ռոսատոմ սերվիս» ընկերության գլխավոր տնօրեն Եվգենի Սալկովը, ով վերջին պահին որոշել է «Ֆիզիկա» անվանակարգում հաղթած մասնակցի մրցանակին համարժեք մրցանակով պարգևատրել նաև խաղի հաղթողին, այն է՝ ուղևորություն Մոսկվա և Սանկտ Պետերբուրգ, էքսկուրսներ «Ռոսատոմի» մի քանի ենթակառուցվածքներում և գործարաններում՝ որտեղ հայկականա տոմակայանի համար սարքավորումներ են պատրաստվում: «Մեր կարգախոսն է՝ գիտելիքը ուժ է: Ու սա ոչ թե լոկ խոսքեր են, այլ գործելու, առաջ շարժվելու մարտահրավեր, որը պետք է կյանքի կոչել: Հիացած ենք խաղով, սա իսկապես չտեսնված բան էր»,- իր խոսքը եզրափակում է «Ռոսատոմի» գլխավոր տնօրենը: 

 «ՀՀ Կենտրոնական բանկն արդեն 10 տարի է՝ իրականացնում է ֆինանսական կրթման ծրագրեր հասարակության համար, և այս խաղն այդ հարցում հիանալի հնարավորություն է, քանի որ նախագիծը մեր եթերում մեծ պահանջարկ ունի, ճանաչված է, շատ սիրված և մենք մեծ հույսեր ունենք, որ նախագծի շնորհիվ մեր հանրության մոտ ֆինանսական գիտելիքների առումով առաջընթաց գրանցվեց»,-նոր՝ «Ֆինանսներ» կատեգորիայի ստեղծման հիմնական նպատակի մասին պատմում է ՀՀ Կենտրոնականբանի սպոռողների շահերի պաշտպանության և ֆինանսական կրթման կենտրոնի մասնագետ Լուսինե Ներսիսյանը: Անվանակարգում հաղթող ճանաչված Մարտին Տոնիկյանը հնարավորթյուն ստացավ մեկամսյաա շխատանքային փորձառություն անցնել ՀՀ գլխավոր դրամատանը: 

Ինչ վերաբերում է մնացած մրցանակներին, ապա, ինչպես նախորդ եթերաշրջաններում, այս անգամ ևս «Կրոն» և «Չինաստան» անվանակարգերի հաղթողները առաջիկայում երկշաբաթյա ուղևորությունների կմեկնեն Երուսաղեմ ու Չինաստան: Խաղի հաղթողին էլ խաղի գլխավոր գործընկեր «Գազպրոմ Արմենիա» ընկերությունը պարգևատրեց նորագույն սերնդի համակարգչով, իսկ «Յուքոմ» ընկերությունը Հայկազին նվիրեց էլեկտրոնային գիրք:

«Մենք տեսանք գիտելիքների, կրթվածության, ինտելեկտի բոլոր լավ դրսևորումները, պատրաստ ենք մշտապես աջակցել նման նախագծերին և մոտիվացնել հայ երիտասրադին»,- Նշում է “Գազպրոմ Արմենիայի» ներկայացուցիչ ՄիքայելՀարությունյանը: Իսկ Հայաստանում Կոնֆուցիոսի ինստիտուտի տնօրեն Գոռ Սարգսյանը նկատում է, որ եթերաշրջանից եթերաշրջան խաղն ավելի մասսայական է դառնում Հայաստանում, ինչը խթանում է է՛լ ավելի ուժեղ մրցակցության, հետևաբար նաև մասնակիցների առավել բարձր ինտելեկտուալ հնարավորությունների ձգտելուն:

«Կրոն» անվանակարգի մասին ԱՀԹ Ս. Երրորդությունեկեղեցու հոգևոր հվիվ Տեր Պարթև քահանա Մուրադյանն ասում է, որ այն«Ամենախելացին»  հեռուստանախագծում երիտասարդ սերնդի մոտ մեր հոգևոր ու կրոնական գիտելիքներն ամրապնդելու նպատակով  է հայտնվել. «Սա հրաշալի հեռուստանախագիծ է, որը կարողանում է  ի հայտ բերել ինտելեկտուալ երիտասարդների, որոնք գուցե և այդպես էլ մնային չբացահայտված ու հետևաբար նաև իրենց բազում ինտելեկտուալ հնարավորությունները չիրացրած, եթե չլիներ «Ամենախելացին»:

«Ես նման բան չեմ տեսել, երբ երեք ֆինալիստներն այդքան հավասար ու անզիջում քայլեն մինչև վերջին հարցը»,- ասում է խաղի հարղորդավարուհի Նազենի Հովհաննիսյանը: Նազենին ասում է, որ ֆինալիստներից յուրաքանչյուրն էլ արժանի էր հաղթանակին, նաև առանձնահատուկ ոգևորությամբ նշում է, որ խաղի ընթացքում նոր ռեկորդ են սահմանել՝ արագ հարց ու պատասխանի փուլում Տիգրան Մուխնեցյանն աննախադեպ արդյունքներ է գրանցել: Հաղորդավարուհին պատմում է, որ բոլորի հետ հավասար հուզվել է, լարվել, ու նաև ուրախացել՝ ամեն հնչեցրած ճիշտ պատասխանի համար: Ինչ վերաբերում է խաղի հաղթողին, Նազենին ասում է, որ Հայկազն անթերի էր խաղում և խաղի ամենասկզբից մինչև վերջին պահը ցուցաբերել է  ստաբիլ բարձր ցուցանիշներ: Փորձառու հաղորդավարուհին չի թաքցնում՝ նման հասուն կոնտինգենտի հետ աշխատելն իր համար շատ պատասխանատու էր. «Այստեղ, այս խաղի հաղորդավարը լինելու համար արժեր անցնել այն ճանապարհը, որն անցել եմ տարիների ընթացքում,  ու զգալ այն հաճույքը, լիության զգացումը, որն ունեմ հիմա: Հպարտեմ, որ հենց այսպիսի երիտասրադություն ունեցող երկրում եմ ապրում»: