Օրվա բաղադրատոմսը. Տորթ ”Թռչնի կաթ”
11:45 , 24 դեկտեմբեր, 2017Ingredients
- Խմորի համար՝
- կարագ - 50 գր
- ձու - 1 հատ
- շաքարի փոշի - 50 գր
- ալյուր - 140 գր
- վանիլին - 1 պտղունց
- Սուֆլեի համար՝
- խտացրած կաթ - 100 գր
- կարագ - 200 գր
- ձվի սպիտակուց - 2 հատ
- շաքարավազ - 450 գր
- աղ կիտրոնի - 1 պտղունց
- ագար-ագար - 2 թ/գդ
- ջուր - 150 մլ
- Ջնարակի համար՝
- շոկոլադ սև - 70 գր
- կարագ - 45 գր
Պատրաստման եղանակ
- 50 գր կարագը խառնում ենք շաքարի փոշու հետ, լցնում ենք ձուն, լավ հարում և ավելացնում վանիլինը:
- Լցնում ենք ալյուրը և համասեռ խմոր հունցում:
- Յուղաթղթապատ ձևամանի մեջ բարակ շերտով լցնում ենք խմորը և թխում 10 րոպե 200 աստիճան տաքացրած ջեռոցում:
- 200 գր կարագը խտացրած կաթի հետ լավ հարում ենք:
- Խմորը հանելուն պես ծայրերը հավասարեցնում ենք և դնում քանդվող ձևամանի մեջ:
- Պատրաստում ենք սուֆլեն: 150 մլ ջրի մեջ լուծում ենք ագարը և դնում մարմանդ կրակին, այնուհետև կամաց-կամաց ավելացնում ենք շաքարավազը և խառնում մինչև սպիտակ փրփուրի առաջացումը:
- Ձվի սպիտակուցները լավ հարում ենք, ավելացնում կիտրոնի աղը: Հարիչի ուժգին արագությամբ հարելով ավելացնում ենք տաք ագարային զանգվածը, այնուհետև ավելացնում ենք խտացրած կաթով զանգվածը:
- Սուֆլեն լցնում ենք խմորի վրա և 15 րոպեով տեղափոխում սառցարան:
- Պատրաստում ենք ջնարակը: Շոկոլադն ու 45 գր կարագը միկրոալիքային վառարանում հալեցնում ենք և լավ խառնում:
- Շոկոլադը զգուշությամբ լցնում ենք սուֆլեի վրա և կրկին 15 րոպեով տեղափոխում սառցախցիկ: Զգուշությամբ ձևամանը բացում ենք:
- Ահա և վերջ: Վայելում ենք
Պատրաստեցինք տոնական Թռչնի կաթ , որը անտարբեր չի թողնի ոչ ոքի