Մանկական ցանափոշին կարող է ձեզ օգնության հասնել բազմաթիվ դժվարին կացություններում՝ փոխարինելով կոսմետիկ միջոցներին, և դրա հաշվին բավական փող խնայելով։ Որոշ դեպքերում կխնայի նաև ձեր առողջությունը։
Կարճ ասած, մանկական ցանափոշին այնքան օգտակար հատկություններ ունի, որ կթվարկենք դրանցից միայն մի քանիսը։
Մանկական ցանափոշին կարելի է օգտագործել՝ մազերն արագ թարմացնելու համար, քանի որ իսկապես չոր օճառահեղուկի արդյունքի է հանգեցնում և անփոխարինել է, երբ մազերը լվանալու ժամանակ չկա։
Պարտադիր չէ գնել մակիաժի հիմքը, որպեսզի գուներանգը լավ նստի։ Մանկական ցանափոշու թեթև շերտն իր գործը հեղուկ միջոցներից ավելի լավ կանի։
Դիմահարդարումը վերջացնելու համար, ու՝ որպեսզի դեմքը չփայլի, անպայման չէ, որ փայլատեցնող դիմափոշի գնել։ Սովորական մանկական ցանափոշին էլ նույնը կանի։
Վրձնով ցանափոշի ցանեք թարթիչներին, այնուհետև քսեք թարթչաներկի առաջին շերտը։ Երբ ներկը մի քիչ չորանա, քսեք ցանափոշու ու թարթչաներկի հաջորդ շերտը։
Վրձնով մի քիչ ցանափոշի քսեք հոնքերին՝ նախքան դիմահարդարումը, իսկ հետո մշակեք մատիտով։ Այդպես հոնքերն ավելի խիտ ու ծավալուն կլինեն։
Ինչպես շաքարային, այնպես էլ մոմային դեպիլիացիա անելուց առաջ, այդ միջոցների՝ մաշկին ավելի լավ կպչելու համար, ցանափոշի լցրեք համապասխան մասերին՝ նախքան բուն գործընթացն սկսելը։ Ի դեպ, մաշկը ևս այդպես ավելի քիչ կվնասվի։
Նախքան շրթներկ քսելը շուրթերին մանկական ցանափոշի ցանեք և թփթփացրեք անձեռոցիկով։ Բարակ շերտը չի երևա, բայց հուսալիորեն կպաշտպանի մակիաժը։
Ոտքերը սափրելուց հետո խնամքի մատչելի միջոց․նախ թարմացնող կրեմ քսեք, իսկ երբ ներծծվի, ոտքերը մշակեք ցանափոշով։ Մաշկը կատարյալ կդառնա։
Որպեսզի այդ տհաճ վնասվածքներն արագ լավանան և զերծ մնան վարակից, դրանց վրա մանկական ցանափոշի լցրեք։
Ոտքերի միջև մաշկը հաճախ հարվում է քայլելիս։ Հատկապես երբ կիսազրջազգեստ եք հագնում՝ առանց զուգագուլպա։ Ազդրերի ներսի կողմում մանկական ցանափոշի ցանեք, և խնդիրը կյուծվի։
Որպեսզի կոշիկը չհարի, ներսից ցանափոշի ցանեք։ էլ կոշտուկներ չեն լինի։
Մարզադահլիճում մարզումներից առաջ մարզակոշիկի ու գուլպաների մեջ մի քիչ ցանափոշի ցանեք։ Այլևս տհաճ նեխահոտերը ձեզ չեն անհանգստացնի։
Պարզվում է՝ եթե թեթևակի ցանափոշի լցնենք անկողու սպիտակեղենի մեջ, ամռանը, նույնիսկ առանց օդորոակիչի, սառնությունը կպահպանվի։
Ծովափ մեկնելուց առաջ անպայման մանկական ցանափոշի դրեք պայուսակում։ Ոտքերը դրանով մշակեք, ու ավազը չի կպչի։