Վրաստանի մայրաքաղաքում իրականացված հակաահաբեկչական գործողությունների ժամանակ այնտեղ էր եղել նաև Ահմադ Չատաևը
17:02 , 1 դեկտեմբեր, 2017Հետաքրքիր տեղեկություններ են հասնում Վրաստանից։
Ըստ այդմ՝ մի քանի օր առաջ՝ նոյեմբերի 21-ին, Վրաստանի մայրաքաղաքում իրականացված հակաահաբեկչական գործողությունների ժամանակ այնտեղ էր եղել նաև Ահմադ Չատաևը (վերջինս հայտնի չեչեն հրամանատար էր, ով եղել էր Իսլամական պետության զինյալներից մեկը, կազմակերպել Թուրքիայի Ստամբուլ քաղաքի օդանավակայանի ահաբեկչությունը):
Դեռևս այդ ժամանակ լուրեր էին պտտվում, որ Չատաևը եղել էր այն բնակարանում, որտեղ թաքնվել էին իսլամականները, երբ նրանց նկատմամբ սկսվեցին հատուկ գործողություններ: Այդ ժամանակ ստացվող տեղեկությունների համաձայն՝ իսլամականներն ինքնաձիգ ու նռնակներ են կիրառել իրավապահների նկատմամբ՝ ցուցաբերելով դիմադրություն:
Ինչ վերաբերում է այսօր տարածվող տեղեկություններին, ապա այստեղ հետաքրքիր է, որ ռազմական գործողության ընթացքում Չատաևի հրահանգով պայթեցվել է ռումբ, որի հետևանքով իսլամականները սպանվել են (այդ թվում՝ Չատաևը). պայթեցնողն էլ վերջում գնդակահարվել է իրավապահների կողմից: