Կորեական սալաթ՝ պատրաստված գազարով

Գազարով պատրաստված այս սալաթը՝ տարբեր համեմունքներով համեմված, շատ համեղ եւ օգտակար է: Համին անհնար է դիմակայել: Այն կարելի է հեշտությամբ պատրասել եւ համտեսել տարբեր ուտեստների հետ:

Անհրաժեշ են՝

1 կգ գազար

2 ճաշի գդալ շաքարավազ

1 ճաշի գդալ աղ

3 ճաշի գդալ քացախ

3-4 հատ սոխ

1 հատ սխտոր

0.5 թեյի գդալ կարմիր պղպեղ

0.5 թեյի գդալ սեւ կա սպիտակ պղպեղ

համեմ

5 մեխակ

150 գրամ բուսական յուղ

Պատրաստման եղանակը.

Սոխը մաքրեք, կտրտեք, կեսը թողեք թարմ, մյուս կեսը տապակեք 150 գրամ բուսական յուղի մեջ: Այնուհետեւ ավելացրեք կարմիր պղպեղը, համեմն ու մեխակը: 1-2 վերցրեք կրակից: Դրանից հետո մաքրում եք գազարը, անցկացնում քերիչով, ավելացնում աղը, սեւ պղպեղը, վրան ճզմում սխտորը, ինչպես նաեւ թարմ սոխն ու շաքարավազը: Ստացված պարունակության վրա ավելացնում եք տապակած սոխը, քացախը ու լավ խառնում: Լցրեք բանկայի մեջ եւ դրեք սառնարանը 24 ժամ: Դրանից հետո այն պատրաստ կլինի մատուցման:

Շողիկ Գալստյան