Երազում երբևէ ընկե՞լ եք կամ խայթող օձեր տեսել․ ահա այս և այլ տարածված երազների իրական նշանակությունները

Գիտականորեն ապացուցված է, որ բոլոր մարդիկ էլ երազներ տեսնում են, անգամ նրանք, ովքեր պնդում են, թե չեն տեսնում։ Բանն այն է, որ արթնանալուն պես նրանք անմիջապես մոռանում են իրենց երազների մասին։

Ասում են՝ յուրաքանչյուր երազ ունի իր նշանակությունը։ Ոմանք պնդում են, թե երազներն անմիջականորեն կապված են մեր ցանկությունների հետ, այսինքն՝ եթե երազում մեքենա եք գնում, ապա իրականում դուք մեքենա գնելու շատ մեծ ցանկություն ունեք։

Բայց իրականում ամեն ինչ այդքան էլ պարզ չէ։ Այդ իսկ պատճառով, ահա, ձեզ ենք ներկայացնում ամենատարածված երազների ամենահավանական նշանակությունները։

Մերկ լինելը (հատկապես հասարակական վայրերում)

Դուք գնում եք, օրինակ, աշխատանքի, համալսարան, ռեստորան կամ նմանատիպ այլ վայր և հանկարծ նկատում, որ մերկ եք։ Եթե մոտավորապես նմանատիպ երազ եք տեսել, նշանակում է՝ դուք վախենում եք, որ հասարակության կամ որևէ կոնկրետ խմբի կողմից կմերժվեք և չեք կարողանա լիարժեք ներառվել։

Օձեր

Երազում օձեր տեսնելը շատ բան կարող է նշանակել։ Ամենատարածված տարբերակի համաձայն՝ ձեր կյանքում փոփոխություններ են սպասվում, ինքներդ ևս փոփոխությունների կենթարկվեք ճիշտ այնպես, ինչպես օձն է իր կաշին փոխում։ Բացի այդ՝ հավանաբար ձեր կյանքում որոշ դժվարություններ կան, ոորնք, սակայն, շուտով կհաղթահարեք։

Մղձավանջներ, մահացած մարդիկ

Երբևէ երազում տեսե՞լ եք մահացած մարդկանց։ Եթե այո, ապա հավանաբար ձեր կյանքում որևէ բան իր ավարտին է մոտենում, ինչը նաև նշանակում է, որ մեկ այլ նոր փուլ կսկսի ձեր կյանքում։

Սարդեր

Սարդեր տեսնելը նշանակում է, որ կյանքում ձեզ դժվարություններ են սպասվում, իսկ դուք մեծ ջանքերի շնորհիվ և միգուցե նաև մեծ դժվարությամբ, սակայն կկարողանաք հաղթահարել դրանք։

Ընկնելը

Կարելի է վստահորեն ասել, որ յուրաքանչյուր մարդ իր կյանքի ընթացքում առնվազն մեկ անգամ երազի մեջ բարձրությունից ընկել է։ Ընկնելը նշանակում է, որ դուք որոշ խնդիրներ ունեք, միգուցե սթրեսի մեջ եք և չեք կարողանում հասկանալ, թե ինչպես ճիշտ վարվել։

Բանտարկված լինելը

Որևէ սենյակում բանտարկված լինելն ունի իր հստակ բացատրությունը․ իրական կյանքում դուք բավարարված և երջանիկ չեք այն ամենով, ինչ ունեք։ Օրինակ՝ անառողջ հարաբերությունների մեջ եք կամ անում եք այնպիսի աշխատանք, որը ձեր սրտով չէ։

Հետապնդվելը

Եթե երազում որևէ մեկը ձեզ հետապնդում է, ապա իրական կյանքում դուք անուշադրության եք մատնում մեկին, ով ձեր հանդեպ շատ հոգատար է։ Հարկավոր է ավելի նրբանկատ և սիրալիր լինել այն մարդկանց հանդեպ, ովքեր աննկատ կերպով հոգ են տանում ձեր մասին։

Ատամ կորցնելը

Իսկ ատամ կորցնելն էլ նշանակում է, որ դուք որևէ մեկի օգնության կարիքն ունեք։

Հրեշներ

Երազներում հանդիպող բոլոր հրեշները պարզորեն ցույց են տալիս, որ դուք փորձությունների միջով եք անցնում։