Ինչպես չգիրանալ բարում․ հայտնի որոշ խմիչքների կալորիականությունը

Եթե պահպանում եք կալորիաների օրական թույլատրելի չափը, ապա պետք է հաշվեք ոչ միայն ուտելիքների կալորիաները, այլև ըմպելիքների։ Ովքեր փորձում են պահպանել գեղեցիկ կազմվածքը, գիտեն, որ ալկոհոլը նույնպես կարող է գիրացնել, այդ պատճառով էլ հարկավոր է նախապես կողմնորոշվել ընտրելիք խմիչքի հարցում։

Հաշվում ենք մեկ գավաթ խմիչքի կալորիաները

Կալորիականությունն ընդունված է ցույց տալ 100 գր մթերքին համապատասխան, սակայն այդպես հարմար չէ, քանի որ սովորաբար խմում ենք ոչ թե 100-ական գրամ, այլ գավաթով, փոքրիկ բաժակով և այլն։

Ստորև խմիչքները ներկայացված են՝ ըստ սովորական չափաբաժնի կալորիաների.

• Բաց գույնի գարեջուր՝ 225 կկալ (500մլ) 
• Գարեջուր լագեր՝ 250 կկալ (500մլ) 
• Կարմիր գինի՝ 160 կկալ (150մլ) 
• Սպիտակ գինի՝ 160 կկալ (150 մլ) 
• Խնձորի սիդր՝ 220 կկալ (500 մլ) 
• Տեկիլա՝ 104 կկալ (50 մլ) 
• Վիսկի՝ 104 կկալ (50 մլ) 
• Օղի՝ 101 կկալ (50 մլ) 
• Վարդագույն գինի՝ 100 կկալ (150 մլ) 
• Շամպայն՝ 100 կկալ (100 մլ), 
• Ջին՝ 97 կկալ (50 մլ) 
• Ռոմ՝ 96 կկալ (50 մլ) 

Պետք է հաշվի առնել, որ խմիչքների կալորիականությունը կախված է արտադրողից։ Մասնավորապես՝ գինիների կալորիականությունը կախված է տեսակից, դեսերտային գինիներն ավելի կալորիական են, քան չոր գինիները։