«Շատերն են փորձել խանգարել ու քանդել մեր ընկերությունը». Ժաննա Բուտուլյանի յուրահատուկ շնորհավորանքը Էլեն Ասատրյանին

Դերասանուհի Ժաննա Բուտուլյանն Ինստագրամի իր էջում շնորհավորել է իր մտերիմ ընկերուհի Էլեն Ասատրյանին ծննդյան օրվա կապակցությամբ: Ահա, թե ինչ է գրում Ժաննան.

«Էլեն, էնքան բան կա ասելու քո ու մեր ընկերության մասին, բայց դրա համար միայն գրական հայերենը բավարար չէ, այդ պատճառով ստիպված եմ տարբեր լեքսիկոններից օգտվել, կներես, 
Mens, իմ ՎԱՌ անհատականություն, խելացի, դուխով, սիրառատ, սիրել իմացող, նվիրվող, հումորով, գրավիչ, Vogue ամսագրի գեղեցկուհի, հետաքրքիր, նպատակասլաց, մարդկանց մեջքի ետևում պաշտպանող, նույնիսկ կենդանիներին պաշտպանող, էմոցիոնալ ու գիժ Ellushs, ծնունդդ շնորհավոր։ Էնքան վառ ես դու ու մեր ընկերությունը, որ դրա առաջին օրվանից բոլորը ֆիքսել են ու հետևել ընթացքին։ Նույնիսկ բողոքել են՝ ամբողջ օրը՝ Էլեն, Էլեն, Էլեն, ու փորձել են խանգարել ու քանդել՝ չհասկանալով, որ նման ընկերություններն ու կապերն ի վերուստ են ստեղծվում, ու քանդելն անհնար է: Այդ տեղն իմ կյանքում միշտ էլ պահված է եղել հենց քեզ համար։ Նույնիսկ երբ ծանոթ չէինք, հարազատ էինք, որովհետև հարազատ չեն դառնում, այլ լինում են ու մի օր հանդիպում, ամենաճիշտ պահին, Աստծո կամոք: Ո՛չ ժամանակը, ոչ՛ դեպքերը, ոչ էլ, առավել ևս, դեմքերն ի զորու չեն հոգով ու մտքով հարազատ մարդկանց դարձնելու օտար, իսկ օտարներին՝ հարազատ: Իմ հարազատ հոգի, անսահման ուրախ եմ, որ եկել, հասել ենք իրար: Ամեն անգամ էդ փաստը գիտակցելիս հրճվում եմ: Հիշո՞ւմ ես՝ իրար գտանք հուսահատված, հիասթափված, մոլորված: Գտանք, որ նորից հավատանք հրաշքին, ինչպես լինում է հեքիաթում։ Հանդիպած օրվանից հայտնվեցինք բազմաթիվ անհավանական ու հավանական վայրերում ու իրավիճակներում (էն կրիա ժեստը), որոնք օրը 10 անգամ էլ վերհիշենք, էլի էմոցիա են տալիս: 
Քո բոլոր երազանքները հերթով կատարվելու են ճիշտ պահին, չէ՞ որ մեր աշխարհում միշտ էլ բարին է հաղթում Կներես, եթե քեզ երբևէ նեղացրել եմ կամ սխալ վարվել: Շնորհակալ եմ, որ 100% վստահելի ես, որ անվանս առաջին տառը նույնիսկ վատ իմաստով քո ներկայությամբ չեն համարձակվի շոշափել, ու հպարտ եմ, որ հենց ես եմ քո նման տարբերակող (разборчивый) մարդու ընկերուհին: Իմացի՛ր, ամեն վայրկյան ես կամ քեզ համար ու կգամ, եթե պետք լինի, թե՛ որտեղ ապրում ես, թե՛ որտեղ բնակվում ես։ SiYում em քեզь շաաաատ, իմ Էլեն։ Երջանիկ եղիր ՄԻՇՏ, թող քեզ ապրեցնող սերդ հավերժ լինի ու օրհնված, իմ՝ նուրբ հոգով ուժեղ զինվոր, իմ ձեռքբերո ւմ»: