ՊԲ-ն ամբողջովին վերազինված նոր տեղեկատվական կենտրոն ունի. նոր պայմաններ ԶԼՄ-ների համար


14:00 , 25 հոկտեմբեր, 2017

Ապրիլյան մարտական գործողություններից հետո զինված ուժերում մասշտաբային փոփոխություններ սկսեցինք՝ առաջնագիծը տեխնիկական միջոցներով համալրելուց, արդիականացնելուց մինչև ամրաշինական-կահավորման աշխատանքներ, սպառազինության համալրում:

Այս փուլում ևս մեկ կարևոր քայլ ենք իրականացնում. պաշտպանության բանակը տեղեկատվական կենտրոն հիմնեց, որը հնարավորություն է տալիս ճգնաժամային իրավիճակներում հայաստանյան և արտասահմանյան ԶԼՄ-ների համար ապահովելու աշխատանքի լավ պայմաններ, ներքին և արտաքին լսարանին հասցնելու օպերատիվ, օբյեկտիվ տեղեկատվություն:

Image may contain: people sitting and indoor

ՊԲ-ն այս առումով խնդիր էր դրել՝ ճգնաժամային իրավիճակներում լրատվամիջոցների համար ստեղծել առավելագույն պայմաններ, տեղեկատվություն ստանալու, մշակելու և հանրությանը փոխանցելու համար:

Տարածքը հատկացրել ու հիմնանորոգել է պաշտպանության բանակը, տեխնիկական վերազինման հարցը՝ Յուքոմ ընկերությունը:

«ՊանԱրմենիան Մեդիա Գրուպ»-ն էլ պատրաստակամություն է հայտնել օգնել կադրերի վերապատրաստման, մասնագիտական խորհրդատվության, տեխնիկական սպասարկման, ինչպես նաև՝ ճգնաժամային իրավիճակներում տեխնիկական հնարավորությունների ընդլայնման հարցում:

Image may contain: 12 people

Պայմանավորվածություն է ձեռք բերվել նաև առաջիկայում ընդլայնելու կենտրոնի համար նախատեսված տարածքը, վերանայել ճգնաժամային իրավիճակներում լրատվամիջոցների հետ աշխատանքի հաստատված կարգը:

Պաշտպանության բանակն իր տեղեկատվական քաղաքականությունն իրացնելու ճանապարհին իսկապես կարևոր քայլ կատարեց:

Image may contain: 2 people, people standing