Ոզնիներն ընդհանրապես խնձոր չեն սիրում, բայց ինչո՞ւ են իրենց մեջքին տանում դրանք․ պատճառը բավական հետաքրքիր է

Քչերը գիտեն, թե ինչու է ոզնին իր մեջքին խնձոր և սունկ տեղափոխում։ Իրականում այս կաթնասունները նախընտրում են սնվել միջատներով, և միֆ է այն վարկածը, իբր նրանք ձմեռվա համար կեր են ամբարում` խնձորի ու սնկի տեսքով։ Նրանք ձմռանը քուն են մտնում, իսկ կերն ամբարում են իրենց ներսում ճարպի տեսքով։ Նրանք ուտում են ոչ թե սունկը, այլ դրա վրայի միջատներին, իսկ խնձորն օգտագործում են որպես տզերից, լվերից և այլ մակաբույծներից ազատվելու միջոց։ Թափառելով անտառում՝ ոզնին իր փշերով դիպչում է տարբեր ճյուղերի և խոտերի, որոնց վրայի մակաբույծներն էլ տեղափոխվում են նրա վրա և սկսում անտանելի խայթել ու անհարմարություն պատճառել կենդանուն։ Փշերի ծակոցի արդյունքում խնձորից արտազատված թթու հյութը հիանալի պայքարում է այդ արարածների դեմ և ազատում ոզնուն տանջանքներից։
Եթե պատահմամբ ոզնու հանդիպեք, նրան սնկով կամ խնձորով չհյուրասիրեք, չի գնահատվի։ Փոխարենը որդեր և միջատներ ման եկեք։

Հետաքրքիր և ուսուցողական այլ նյութեր կարող եք կարդալ այստեղ։