Ադրբեջանում նախաքննություն է սկսվել Ֆիզուլի Թանիրվերդիևի նկատմամբ
14:35 , 26 սեպտեմբեր, 2017Ադրբեջանում նախաքննություն է սկսվել Ֆիզուլի Թանիրվերդիևի նկատմամբ, որը ֆիկտիվ «Ադրբեջանի Լաչինի վարչական շրջանի իրավաբանական բաժնի պետն է»։ Բանն այն է, որ վերջինս իր ֆեյսբուքյան էջում բացահայտ կողմ է արտահայտվել Իրաքի Քրդստանում անկախության հանրաքվեի անցկացմանը, տարածել, այսպես կոչված, «Մեծ Քրդստանի» քարտեզներից, իսկ ադրբեջանական լրատվամիջոցները նշում են, որ Թանիրվերդիևն աջակցում է նաև «Քրդստանի աշխատավորական կուսակցությանը»։
Թեմայի՝ հրապարակային դաշտում արծարծվելուց անմիջապես հետո նշված անձի ֆեյսբուքյան էջից հեռացվել են խնդրահարույց գրառումներն ու լուսանկարները՝ փոխարենը թողնելով Ի․ Ալիևի հետ ունեցած համատեղ լուսանկարները:
