Երբեմն հանրահայտ և առաջատար ներկայացող ԶԼՄ-ների անգրագիտությունն ուղղակի հասնում է ծայրահեղ աստիճանի:
Ռուսական «Ռոսսիա 24» հեռուստաալիքը երեկ «Քրդեր ի Քրիստոս» ճչացող վերնագրով ռեպորտաժում Դհոկի մոտակայքում գտնվող ասորական Դորե գյուղի բնակիչներին ամենայն լրջությամբ ներկայացնում էր որպես «քրիստոնյա քրդերի»:
Ըստ էության՝ «քրիստոնյա քրդեր» արտահայտությունը գրեթե նույնն է, ինչ «բուդդայական հայեր» ասվածը, այսինքն՝ տեսականորեն չի բացառվում, որ որոշ քրդեր, ասենք, Գերմանիայում քրիստոնեություն ընդունած լինեն, սակայն ավանդաբար քրիստոնյա քրդեր գոյություն չունեն: