Հյուսիսկորեական խնդրի լուծման համար անհրաժեշտ են ուղիղ բանակցություններ. Գերմանիա

Հակամարտությունը՝ կապված Հյուսիսային Կորեայի միջուկային փորձարկումների հետ, կարող է կարգավորվել միայն Փխենյանի հետ ուղիղ բանակցությունների միջոցով, հայտարարել է Գերմանիայի արտգործնախարար Զիգմար Գաբրիելը։

«Դա հնարավոր է միայն Հյուսիսային Կորեայի հետ ուղիղ բանակցությունների միջոցով։ Դրա համար երեք տերությունները՝ ԱՄՆ-ը, Չինաստանն ու Ռուսաստանը, պետք է նստեն բանակցային սեղանի շուրջ»,-Գաբրիելի խոսքերն է մեջբերում TASS գործակալությունը։

Նախարարի խոսքով՝ Հյուսիսային Կորեայի առաջնորդին պետք է ասել, որ գոյություն ունեն անվտանգության այլ երաշխիքներ, ատոմային ռումբի առկայությունից բացի։

Գերմանացի նախարարը նաև ենթադրություն է արտահայտել, որ ՄԱԿ ԱԽ-ի կողմից սահմանված պատժամիջոցները ժամանակի ընթացքում զսպող էֆեկտ կունենան Փխենյանի վրա։

«Ժամանակ կպահանջվի մինչև պատժամիջոցները գործեն։ Դա մենք տեսել ենք Իրանի օրինակով»,-ընդգծել է Գաբրիելը։