Պորտուգալական ակումբը Եվրոպա լիգայի խաղում ոչ մի եվրոպացու մեկնարկային կազմում չի ընդգրկել
15:20 , 15 սեպտեմբեր, 2017Armsport.am-ը գրում է.
«Վիտորիա Գիմարայնշը» դարձել է առաջին ակումբը, որը եվրագավաթային խաղում իր թիմի մեկնարկային կազմում չի ընդգրկել ոչ մի եվրոպացի ֆուտբոլիստի:
Սա տեղի է ունեցել Եվրոպա լիգայի խմբային փուլի առաջին տուրի` «Ռեդ Բուլ Զալցբուրգի» հետ խաղում (1:1), գրում է «Bleacher Report»-ը:
Պորտուգալան ակումբի մեկնարկային կազմում դաշտ է դուրս եկել չորս բրազիլացի, երկու կոլումբացի, ինչպես նաև մեկական իվուարցի, գանացի, պերուացի, վենեսուելացի և ուրուգվայցի ֆուտբոլիստ:
Այդուհանդերձ, երկրորդ կեսում դաշտ է դուրս եկել միայն մեկ եվրոպացի` պորտուգալացի Ֆրանցիսկո Ռոդրիգեսը, որը 57-րդ րոպեին փոխարինել է Պաուլո Ուրտադոյին:
