Յունկերը հանդես է եկել Շենգենի գոտուն Բուլղարիայի և Ռումինիայի շուտափույթ միանալու օգտին
13:40 , 13 սեպտեմբեր, 2017168.am-ը գրում է.
Եվրահանձնաժողովի (ԵՀ) նախագահ Ժան Կլոդ Յունկերն անհրաժեշտ է համարում Բուլղարիայի եւ Ռումինիայի շուտափույթ միանալը Շենգենի գոտուն: Այդ մասին նա սեպտեմբերի 13-ին Ստրասբուրգում հայտարարել է Եվրախորհրդարանում ունեցած ծրագրային ելույթի ժամանակ։
«Անհրաժեշտ է, որ Բուլղարիան եւ Ռումինիան առաջիկայում միանան Շենգենյան գոտուն, իսկ նրանցից անմիջապես հետո՝ Խորվաթիան»,-ասել է Յունկերը:
Ներկայում Շենգենի գոտու անդամներ են Եվրամիության 28 երկրներից 22-ը: Այժմ այդ համաձայնագրով ընդգրկված տարածքներում ապրում է ավելի քան 400 մլն մարդ, հաղորդել է ՏԱՍՍ-ը: