Սիրված դերասաններ, ովքեր չունեն դերասանի կրթություն
19:15 , 11 սեպտեմբեր, 2017Ներկայացնելով այս ցուցակը՝ կարելի է կոտրել կարծրատիպը, որ դերասանի բարձրագույն կրթությունը պարտադիր է լավ դերասան լինելու համար:
Գրիշա Աղախանյան
Գրիշան սովորել է Երևանի Սայաթ-Նովայի անվան երաժշտական դպրոցի դաշնամուրային բաժնում: Այնուհետև սովորել է Երևանի Մ. Հերացու անվան բժշկական ինստիտուտի ատամնաբուժական ֆակուլտետում: Առաջին անգամ որպես դերասան նա հանդես է եկել թատրոնում:
Հայկ Մարության 
Շատերիս կողմից սիրված Հայկոն, որին բոլորս գիտենք «Կարգին հաղորդումից», սովորել է Երևանի պետական ճարտարագիտական համալսարանում, խաղացել է պոլիտեխնիկական ինստիտուտի «Հայկական պրոյեկտ» ՈւՀԱ թիմում:
Մկրտիչ Արզումանյան
Մկոն նույնպես հայտնի է մեզ «Կարգին հաղորդումից»: Քչերը գիտեն, որ Մկոն ունի ռուսական կրթություն։ Նա նաև սովորել է Հայաստանի պետական ճարտարագիտական համալսարանում:
Հովհաննես Ազոյան
Հովհաննես Ազոյանը սովորել է Երևանի պետական տնտեսագիտական համալսարանում, մասնագիտությամբ նա ֆինանսիստ կառավարող է:
Ռաֆայել Երանոսյան
Դերասան, հումորիստ Ռաֆայել Երանոսյանը սիրվել է շատերի կողմից: Նա ավարտել է դերասանական ստուդիա, սակայն չունի դերասանի բարձրագույն կրթություն:
Լևոն Հարությունյան 
Սովորել է Աշտարակի կիսահաղորդիչների ուսումնարանում և Երևանի լուսանկարիչների թիվ 24 ուսումնարանում: Համապատասխան բարձրագույն կրթության բացակայությունը չի խանգարել նրան սիրվել հանդիսատեսի կողմից:
Գրիգոր Դանիելյան 
Գրիգոր Դանիելյանը սիրվեց Yere1 նախագծից։ Նրան բոլորը գիտեն նաև «Ֆուլ հաուս» սիթքոմից։ Գրիգորը սովորել է Երևանի պետական տնտեսագիտական համալսարանում:
Վաչե Թովմասյան
«32 ատամից» հայտնի դարձած Վաչեն ավարտել է Երևանի պետական տնտեսագիտական համալսարանի ինֆորմատիկայի բաժինը: Վերջին շրջանում նա սիրվեց «Քարե դարդ» սիթքոմից: 