Միլֆեյ ելակով


09:20 , 22 օգոստոս, 2017

Բաղադրիչներ

  • պատրաստի շերտավոր խմոր - 500գր
  • պանիր մասկարպոնե - 250գր
  • ձվի դեղնուց - 1 հատ
  • շաքարի փոշի - 60գր
  • ելակ - 250գր
  • անանուխ - 1 ճյուղ

Պատրաստման եղանակ

  1. Նախապես սառեցրած խմորը բացեք գրտնակով, ապա կտրեք ուղղանկյուններ (խմորեղենի 1 կտորի համար անհրաժեշտ է 3 շերտ ուղղանկյունաձև խմոր): Խմորները շարեք ջեռոցի տապակի վրա, պատառաքաղով ծակեք խմորի շերտերի ամբողջ մակերեսը:
    milfey-3
  2. Եփեք ջեռոցում 10-15 րոպե 190աստիճանում մինչև թույլ շագանակագույն երանգի առաջացումը:
    milfey-4
  3. Թողեք խմորի շերտերը սառչեն, որից հետո կտրատեք նրանց ծայրի չորացած մասերը:
    milfey-5
  4. Հարեք շաքարի փոշին ձվի դեղնուցի հետ մինչև վերջինիս սպիտակելը և փրփրելը, ապա ավելացրեք մասկարպոնեն և կրկին հարեք մինչև կրեմի պնդանալը:
    milfey-7
  5. Ելակները լվացեք, կտրատեք երկարությամբ 2 մասի:
    milfey-8
  6. Խմորի շերտի վրա քսեք կրեմը, ապա շարեք ելակները: Կատարեք նույն գործողությունը ևս 2 անգամ:
    milfey-10
  7. Զարդարեք աղանդերը անանուխի տերևներով և վրան շաղ տվեք մի քիչ շաքարի փոշի:
    milfey-11

Պատրաստի միլֆեյը կարելի է մատուցել անմիջապես, եթե ցանկանում եք ունենալ խրթխրթան շերտեր, կամ ավելի ուշ, եթե գերադասում եք փափկած և կրեմը ներծած աղանդեր:

——

Ի դեպ՝

Միլֆեյ (mille-feuille) ֆրանսերենից թարգմանվում է ինչպես “հազարավոր շերտեր”: Ֆրանսիացիներն այսպես են կոչում ոչ միայն շերտավոր տարբեր տեսակի թխվաքները, այլև աչ քաղցր խորտիկները, որոնք պատրաստվում են շերտավոր խմորից: