Շերտավոր խմորով «Նավակներ»
09:20 , 4 օգոստոս, 2017Բաղադրիչներ
- պատրաստի շերտավոր խմոր - 500գր
- միս խոզի - 300գր
- սոխ - 1 հատ(մեծ)
- կարտոֆիլ - 3-4 հատ
- կարագ - 100գր
- վարունգ մարինացված - 1 հատ(մեծ)
- ձու - 1 հատ
- պանիր քերած - 50գր
- աղ - ըստ ճաշակի
- պղպեղ սև - ըստ ճաշակի
Պատրաստման եղանակ
- Կտրատում ենք խմորը 12 հավասար ուղղանկյունիների, գրտնակում և հանդիպակաց
ծայրերին անում կտրվածքներ:
- Մաքրում, լվանում և խաշում ենք կարտոֆիլը աղաջրում, ապա տրորում այն, որ ստացվի պյուրե, ավելացնում ենք 30գր կարագ: Կտրատում ենք թթու վարունգը խորանարդիկներով: Կտրատում ենք խոզի միսը ավելացնում աղ, սև պղպեղ և տապակում մնացած կարագի մեջ ուժեղ կրակի վրա: Ավելացնում ենք կիսալուսնաձև կտրատված սոխն ու շոգեխաշում 10 րոպե փակ կափարիչով միջին կրակի վրա:
Ապա ուղղանկյունաձև կտրատված խմորի վրա դնում ենք 1ճ/գդ կարտոֆիլային պյուրե, հավասարեցնում և վրան ավելացնում ենք մսայնի զանգվածն ու թթու վարունգը:
- Փաթաթում ենք խմորն այնպես, որ կտրվածքները ընկնեն մեկը մյուսի վրա և ամրացնում ենք ծայրերը տալով նավակի տեսք:
- Շարում ենք նավակները պերգամենտային թղթով պատած տապակի վրա, վրան լցնում քերած պանիր և քսում ձու, որպեսզի կարմրի:
- Թխում ենք 15-25 րոպե 200 աստիճանում:
Հուսանք հավանեցիք մեր շերտավոր խմորով “Նավակներ”-ը և մոտ ժամանակներում
կզարմացնեք Ձեր սիրելիներին պատրաստելով դրանք ընթրիքին: