Մակրոնի վարկանիշը կտրուկ ընկել է
17:38 , 3 օգոստոս, 2017Yerkir.am-ը գրում է.
Ֆրանսիայի նախագահ Էմանուել Մակրոնի վարկանիշը մեկ ամսվա ընթացքում կտրուկ ընկել է` 43 տոկոսից դառնալով 36 տոկոս: Դա են վկայում Huffington Post թերթի և CNews հեռուստաալիքի պատվերով YouGov ինստիտուտի կողմից անցկացված հարցման տվյալները. տեղեկացնում է РИА Новости-ն:
Հարցման մասնակիցներին առաջարկել են պատասխանել հարցին` «Ի՞նչ կարծիք ունեք, որպես Ֆրանսիայի նախագահ, Էմանուել Մակրոնի գործողությունների մասին»: 36 տոկոսը դրական գնահատական է տվել, 49 տոկոսը` բացասական:
Հարցումն անցկացվել է հուլիսի 26-27-ը, մասնակցել է ավելի քան 1000 մարդ` 18 տարեկան և բարձր տարիքի: