Ինչպե՞ս շնորհավորեց երկրպագուն Արամ MP3-ին

Մասնագիտությամբ դեղագործ, ներկայումս` շոումեն, հումորիստ, երգիչ, «Vitamin» ակումբի անդամ Արամ mp3-ն այսօր նշում է իր ծննդյան օրը:

Այս պահին Արամը զբաղված է երեկոյան խնջույքի պատրաստությամբ. «Օրն անցկացնելու եմ ընկերների, հարազատների հետ միասին: Միջոցառմանը ներկա կլինեն «Vitamin» ակումբի տղաները, եղբայրներս, քույրերս, քավորս»,-ArmStar.am-ի հետ զրույցում ասաց Արամը:

Առաջինն Արամին հեռախոսազանգով շնորհավորել է հայրը, որից հետո սկսել է շնորհավորանքերի տարափը:

Արամի բոլոր ծննդյան օրերն անակնկալներով են անցում, բայց այսօր դեռ չգիտի, թե իրեն ինչ է սպասվում. «Ես դեռ ուտելու պատրաստություններն եմ տեսնում, առևտուր եմ անում, հետո կհավաքվենք իրար գլխի, տեսնենք՝ ինչ ենք անում», -ծիծաղելով ասաց Արամը:

Չկան այնպիսի նվերներ, որոնք կուզեր անպայման ստանալ. «Փոքր տարիքում հեծանիվ էի երազում, իսկ հիմա չեմ էլ մտածում, ով ինչ կբերի (ծիծաղում է): Այնպիսի մարդիկ են ծննդյանս ներկա լինելու, որ դժվար թե գումար բերեն, նրանք հաստատ մի օրիգինալ բան կմտածեն»:

Արամի գրեթե բոլոր ծննդյան օրերն անցնում են ինքնաթիռում. «Հերթական ծննդյանս օրը, երբ նորից ինքնաթիռում էի ու բոլորով նշում էինք, ով կար չկար մոտեցավ ու շնորհավորեց: Ինքնաթիռի  թռիչքը վերածվել էր ծննունդի», -հիշեց Արամը:

Ի դեպ, երբ մենք պատրաստում էինք այս նյութը, մեր խմբագրությունում ներկա էր Արամի երկրպագուներից մեկը, ով, օգտվելով առիթից, շնորհավորեց նրան: Արամն էլ շնորհավորանքի վերջում կատակով պատասխանեց. «Ափսոս այսօր այն օրը չէ, որ փոխադարձ կարողանամ շնորհավորել ձեզ»:

ArmStar.am-ը շնորհավորում է Արամին և մաղթում ստեղծագործական ու անձնական հաջողություններ:

Շնորհավորեց` Սիրանուշ Գրիգորյանը

Լուսանկարները` Արամի անձնական արխիվից