Վենեսուելան գտնվում է աղետի եզրին. Բորիս Ջոնսոն
11:20 , 1 օգոստոս, 2017Մեծ Բրիտանիայի արտգործնախարար Բորիս Ջոնսոնը հայտարարել է, որ Վենեսուելան գտնվում է «աղետի եզրին», և այդ երկրի նախագահ Նիկոլաս Մադուրոյին կոչ է արել «դադարեցնել, քանի դեռ ուշ չէ»: Ջոնսոնի հայտարարությունը հրապարակվել է Մեծ Բրիտանիայի կառավարության կայքում:
Ջոնսոնի խոսքով՝ Վենեսուելան «գրոհում է ինքն իրեն»: Նա նշել է, որ երկրում արդեն մահացել է ավելի քան 100 մարդ, և «ժողովրդավարությունն ու հիմնարար ազատությունները վտանգի մեջ են»: