2017 թվականի վերջին 4.3 մլրդ մարդ կունենա համացանցին բջջային հասանելիություն. ՄԱԿ
20:30 , 31 հուլիս, 20172017 թվականի ավարտին բջջային համացանց ունեցող օգտատերերի թիվը կհասնի 4.3 մլրդ մարդու։ Նման կանխատեսմամբ է հանդես եկել Էլեկտրակապի միջազգային միությունը, որը հանդիսանում է տեղեկատվական-հաղորդակցական տեխնոլոգիաների ոլորտում ՄԱԿ-ի մասնագիտացված հաստատություն։ Այս մասին հայտնում է TASS գործակալությունը։
Միության մասնագետները նշում են, որ վերջին 5 տարիների ընթացքում ամեն տարի բջջային լայանշերտ համացանցին հասանելիություն ունեցողների թվի աճը կազմել է 20 տոկոս, և ինչպես սպասվում է՝ այդ ցուցանիշը 2017 թվականի վերջին կհասնի 4.3 մլրդ մարդու։
Ընդգծվում է, որ համացանցի բջջային հասանելիության արժեքի և բնակչության մեկ շնչին բաժին ընկնող եկամուտների հարաբերակցությունը 2013-16 թթ աշխարհում կրկնակի նվազել է։