Առաջին 2 երեխային ավելի դժվար էր պահել, քան 11-րդին. 35 տարեկանում 11-րդ երեխային լույս աշխարհ բերած կինը չի հասկանում 2 երեխայով սահմանափակվողներին

22:50 , 25 հուլիս, 2017
Tert.am-ը գրում է.
Գյումրիում 11-րդ երեխան լույս աշխարհ բերած Լիլիթ Խաչատրյանն արդեն տանն է, իր ու երեխայի առողջական վիճակը բավարար է: Tert.am-ի հետ զրույցում նա թվարկեց բոլոր 11 երեխաների անունները`Շուշան, Հեղինե, Սամվել, Զավեն, Հովսեփ, Հակոբ, Դանիել, Ռոզա, Օլյա, Մարինե, Դավիթ:

Նա նշեց, որ Գյումրու քաղաքապետն իրեն այցելել էր ծաղիկներով և նվերներով, իսկ անցած տարի վարչապետից բնակարան է ստացել:  «Ես անձամբ որևէ բան չեմ նշել, չեմ ցանկացել: Ես ամեն ինչ ունեմ և իմ երեխաներն էլ ամեն կերպ ապահովված են, որևէ մեկից ակնկալիք չունեմ»,- ասաց նա:

Հիշեցնենք, որ Լիլիթ Խաչատրյանը հուլիսի 21-ին լույս աշխարհ է բերել իր 11-րդ երեխային: 35 տարեկան կինը ծննդաբերել է Գյումրու ծննդատուն ՓԲԸ-ում: Նորածինը՝ Դավիթը, ծնվել է 3 կգ 600 գրամ քաշով՝ բնական եղանակով:

Ինչ վերաբերում է նոր երեխաներ ունենալու ցանկությանը, Լիլիթ Խաչատրյանն ասաց` ինչպես Աստված կամենա: 
Ամբողջական հոդվածը կարող եք կարդալ այստեղ: