Օրվա բաղադրատոմսը. խոզի կողիկներ ջեռոցում

Բաղադրիչներ

• խոզի կողիկներ - 1,5կգ
• սոխ - 2 գլուխ
• սխտոր - 2 պճեղ
• մեղր - 2ճ/գդ
• սոյայի սոուս - 3-4ճ/գդ
• լոլիկի մածուկ - 2ճ/գդ
• կոճապղպեղ (имбирь) - 1 կտոր
• աղ
• պղպեղ սև

Պատրաստման եղանակ

1. Լավ լվանալ խոզի կողիկները, ապա կտրել 3-4 ողի չափով կտորների:
   
2. Սոուսի համար մանր կտրատել սոխը, սխտորը և կոճապղպեղը, ապա լցնել փոքրիկ կաթսայի մեջ, վրան ավելացնել մեղրը, սոյայի սոուսը և տոմատի մածուկը:
   
3. Տեղափոխել կաթսան կրակի վրա և եփել մինչև եռալը և սոխի փափկելը:
   
4. Ստացված սոուսը լցնել բլենդերի մեջ և խառնել: Համեմել աղ և պղպեղով (ցանկալի է քիչ):  Խոզի կողիկները պատել սոուսով և թողնել մարինացվեն 1-2 ժամ:
   
5. Եփել կողիկները ջեռոցում 1-1,5 ժամ 160 աստիճանում՝ ժամանակ առ ժամանակ պատելով դրանք սոուսով:
   
6. Եթե միսը շատ կարմրի, ապա կարող եք վրան ծածկել ֆոլգայով:
   Պատրաստի կողիկները կարելի է մատուցել բանջարեղենների և սոուսի հետ:
   
   

Խորհուրդ: Խոզի կողիկները ջեռոցում կարելի է տապակել ցանցի վրա, սակայն այդ դեպքում ցանցի ներքևում պետք է դնել ջեռոցի տապակ, որպեսզի առաջացող յուղն այնտեղ թափվի:
Իսկ եթե տապակում եք կողիկները տապակի վրա, ապա նախապես դրա վրա փռեք փայլաթիթեղ (ֆոլգա), որպեսզի միսը չկպչի տապակին: