«Իրավունք». Հովհաննես Սահակյանը գործադիրում աշխատելու իր հերթին է սպասում. հիմա ասպիրանտուրա ընդունվելու հարցերն է կարգավորում

«Նախկին ՀՀԿ-ական պատգամավորները, ըստ տեղեկությունների, պետք է պաշտոններ ստանային գործադիր մարմիններում: ՀՀԿ-ական Վահրամ Մկրտչյանն օրեր առաջ նշանակվեց ԿԳ փոխնախարար:

 

Նշանակման իր հերթին է սպասում նաև նախկին պատգամավոր Հովհաննես Սահակյանը: Ըստ տեղեկությունների՝ նա ևս կաշխատի գործադիր մարմնում:

 

«Իրավունքը» նրանից հետաքրքրվեց՝ հստակ ժամկետ կա՞, թե երբ է օրենսդիր մարմնի նախկին անդամը աշխատելու գործադիր մարմնում: «Որևէ ժամկետ չեն ասել: Ոչինչ չի ուշանում: Ամեն ինչ հունով գնում է»,-ասաց ՀՀԿ-ականը:

 

Թե կոնկրետ ինչ պաշտոն է ստանալու կառավարությունում Հովհաննես Սահակյանը, նախկին պատգամավորը չմանրամասնեց: Անգամ ժամկետների մասին խուսափեց խոսել: «Նշանակումը կլինի՝ կիմանաք: Թիմը և թիմի ղեկավարը որտեղ որոշի, որ մեր ուժերը պետք է ի նպաստ ներդնենք, այդպես էլ կլինի»,-փակագծերը համառորեն չբացեց ՀՀԿ-ականը:

 

Ի դեպ, նախկին պատգամավորը զբաղվում է գիտությամբ և ասպիրանտուրա ընդունվելու հարցերն է կարգավորում»,-գրում է թերթը:

 

Նյութն ամբողջությամբ կարդացեք թերթի այսօրվա համարում: