Ադրբեջանական Ալխանլու գյուղի անվան ծագումը
16:50 , 8 հուլիս, 2017Վերջին շրջանում ԶԼՄ-ներում անընդհատ շրջանառվող ադրբեջանական Ալխանլու գյուղի անվանումը ծագում է թյուրքալեզու նշանավոր քանգարլու խոշոր ցեղամիավորման մեջ մտնող ալիխանլու ցեղի անունից:
Այն ներկայիս Ադրբեջանի Ֆիզուլիի շրջանի իր բնակության վայրում է հայտնվել միայն 18-րդ դարի երկրորդ կեսին՝ Շուշիում հիմնավորված Փանահ-Ալի խանի կողմից բերվելով Նախիջևանի տարածքներից, որտեղ քանգարլուները ունեին գերակա դիրքեր, ինչի շնորհիվ կրկին 18-րդ դարի կեսերին Հեյդար-ղուլի Քանգարլուն իրեն հռչակեց տեղական խան՝ սկիզբ դնելով Նախիջևանի խանությանը:
Նույն ալիխանլու ցեղի մեկ այլ հատված բնակվում է Արաքսից հարավ՝ Իրանի Արևելյան Ատրպատական նահանգի Խուդաֆերինի շրջանի Ալիխանլու գյուղում: