Տավուշի գյուղերում փաստահավաք աշխատանքների արդյունքները Google Earth ծրագրով տեղայնացվել են

17:00 , 6 հուլիս, 2017
Տավուշի մարզի Բաղանիս, Ոսկևան, Ոսկեպար, Կոթի սահմանամերձ գյուղերում ՀՀ մարդու իրավունքների պաշտպանի աշխատակազմի կողմից կատարված փաստահավաք աշխատանքների արդյունքները  տեղայնացվել են ընդհանուր հասանելիություն ունեցող քարտեզի վրա: 

ՄԻՊ-ից տեղեկացնում են, որ Google Earth ծրագրի միջոցով իրականացվել են համապատասխան նշագրումներ, որոնք ցույց են տալիս Ադրբեջանի զինուժի թիրախում հայտնված քաղաքացիական բնակավայրերը, ապրիլ-հունիս ամիսներին գնդակոծված տները, շենք-շինությունները:

Փաստահավաք աշխատանքների արդյունքները ներկայացվել են հայերեն և անգլերեն: