Շատ կարևոր հաղթանակ ադրբեջանցու նկատմամբ այլ շախմատիստներից կրած երեք անընդմեջ պարտություններից հետո
23:12 , 1 ապրիլ, 2013
Լևոն Արոնյանը հավակնորդների մրցաշարում երկրորդ անգամ հանդիպեց ազերի Թեյմուր Ռաջաբովի հետ և երկրորդ անգամ նրան պարտության մատնեց:
Մրցաշարի հաղթողը չեմպիոնական տիտղոսի համար մրցելու է աշխարհի գործող չեմպիոն Անանդի հետ:
Մրցաշարի ամբողջ ընթացքում առաջին և երկրորդ հորիզոնականները Մագնուս Կառլսենի հետ կիսող Լևոն Արոնյանը վերջին երեք տուրերում պարտություն էր կրել և իջել 4-րդ հորիզոնական:
Չնայած վերջին տուրում Թեյմուր Ռաջաբովի նկատմամբ տարած հաղթանակը լավագույն դեպքում կարող է բարելավել Արոնյանի դիրքը մրցաշարում մինչև 3-րդ հորիզոնական, սակայն հոգեբանական առումով շատ կարևոր էր երեք անընդմեջ պարտություններից հետո հաղթանակ տանել, այն էլ ազերիկի նկատմամբ:
