Չե՞ք կարողանում քնել սարսափ ֆիլմ նայելուց հետո. ուրեմն այս խորհուրդները Ձեզ համար են

Երբեմն մենք սարսափ ֆիլմեր կամ հեռուստատեսային շոուեր ենք նայում կամ էլ սարսափ պատմություններ, վեպեր կարդում, ինչից հետո չենք կարողանում քնել։ Իսկ երբեմն էլ հնարավոր է ավելի վախենալու բան պատահի, օրինակ՝ ինչ-որ պարանորմալ բաներ տեսնեք, զգաք, ինչը ևս գրեթե անհնարին է դարձնում քնելը։ Այնուամենայնիվ, կան այդ տեսակ անքնությունը հաղթահարելու միջոցները։

Փորձե՛ք ցրվել

Մինչև քնելը կենտրոնացե՛ք այլ բանի վրա։

Մինչև քնելը փորձեք կենտրոնանալ մեկ այլ բանի վրա, ինչը ոչ թե վախ, այլ ուրախություն կառաջացնի։ Ցրվելու բազմաթիվ տարբերակներ կան.

• Մի լավ հիշողություն մտաբերեք։ Դա կարող է լինել մանկության ուրախ հիշողություն կամ էլ վերջերս Ձեզ հետ պատահած հաճելի դեպք. ինչ էլ դա լինի, այն կցրի Ձեր ուշադրությունը սարսափելի բանից ու կօգնի քնել։
• Սենյակում մի առարկա գտեք ու կենտրոնացեք դրա վրա։ Մտածեք՝ ինչպես կնկարագրեիք այդ իրը մեկ այլ մարդու։ Ի՞նչ ձև ունի, ինչի՞ մասին է այն Ձեզ հիշեցնում, որտեղի՞ց եք այն ձեռք բերել և այլն։

Հանգստացնող երաժշտություն լսե՛ք։

Դրեք Ձեր սիրելի հանգստացնող երաժշտությունը, որը կօգնի քնել։ Այն կօգնի թե՛ մինչև պառկելը, թե՛ քնելու ընթացքում։

• Եթե լռությունն ասոցացնում եք Ձեզ վախեցնող բանի հետ, ապա հանգիստ երաժշտության վրա կենտրոնանալը կօգնի ցրվել ու հանգիստ քնել։
• Եթե երաժշտական գործիք եք նվագում, փորձեք պատկերացնել՝ ինչպես կնվագեիք այդ երաժշտությունն ինքներդ։

Հաշվե՛ք գառնուկներին։

Մի փոքր ծիծաղելի է հնչում, բայց այս տեսակ մեթոդները կարող եք օգտագործել նույնիսկ այն դեպքում, երբ չեք վախենում որևէ բանից։ Պետք է պարզապես պատկերացնեք գառնուկների ու յուրաքանչյուրին մի թիվ տաք։ Այսպիսի վարժություններն օգնում են քնել։

• Պարտադիր չէ, որ դա գառնուկ լինի։ Կարող եք պատկերացնել կենդանիների մի ամբողջ բանակ, եթե դա կօգնի։
• Կենդանիներ պատկերացնելիս կենտրոնացեք դետալների վրա՝ գույնի, մեծության, թաթերի, ոտքերի և այլն։

Ուշադրություն դարձրե՛ք միջավայրին

Սենյակի դուռը բաց պահե՛ք կամ ծածկե՛ք. որը ստիպում է ավելի լավ զգալ Ձեզ։

Սենյակի լույսը վառ թողե՛ք։

Ֆիլմերում, հեռուստատեսությամբ վախենալու բաները հիմնականում ասոցացվում են մթության հետ։ Եթե լույսը միացրած թողնեք, ավելի հեշտ կկարողանաք քնել։ Կարող եք դրա փոխարեն նաև միացնել հեռուստացույցը, որի թույլ լույսը և՛ չի խանգարի քնելուն, և՛ կօգնի այս պարագայում։

Զբաղեցրե՛ք Ձեր միտքը

Գիրք կարդացե՛ք։

Գրքերը այն աստիճանի մանրամասնություններ են բովանդակում, որ կօգնեն ընկղմվել դրանց մեջ ու կտրվել իրականությունից։

Սարսափ ֆիլմից հետո կատակերգություն նայե՛ք։

Հումորը հիանալի տարբերակ է միտքը զբաղեցնելու։ Այն նաև օգտակար է առողջությանը։

Համոզե՛ք ինքներդ Ձեզ, որ ձեր վախն անտեղի է

Հիշեք, որ այն, ինչ վախեցրել է Ձեզ, իրական չէ, այնպես որ չի կարող Ձեզ հետ պատահել։

Իսկ եթե այդ ֆիլմը, գիրքը կամ որևէ բան, որ վախեցրել է Ձեզ, իրական պատմության հիման վրա է, ապա մտածեք հավանականության մասին, որ այն կպատահի նաև Ձեզ հետ։ Այդպիսի հավանականությունը շատ քիչ է։

Պատկերացրե՛ք, որ մի կերպար, որով Դուք հիանում եք, եկել է Ձեզ օգնության։

Դա կարող է լինել ինչպես իրական, այնպես էլ անիրական որևէ մեկը։ Օրինակ՝ պատկերացրեք մի բարի դրակոնի, ով կանգնած է սենյակի դռան առջև՝ պատրաստ պաշտպանելու Ձեզ։

 Այլ մարդիկ ևս կարող են օգնության հասնել։

Հարցրե՛ք որևէ մեկին՝ ինչպես է անցել նրա օրը։

Մեկ ուրիշի հետ խոսելը ցրվելու հիանալի միջոց է։ Գրե՛ք կամ զանգե՛ք որևէ ընկերոջ ու պատմեք՝ ինչու եք վախեցել։ Նա էլ կփրձի Ձեզ շեղել։